Polybius, Histories, book 1, chapter 16

(폴리비오스, Histories, book 1, chapter 16)

Προσπεσόντων γὰρ εἰσ τὴν Ῥώμην ἐκ τῆσ Σικελίασ τῶν περὶ τὸν Ἄππιον καὶ τὰ στρατόπεδα προτερημάτων, καταστήσαντεσ ὑπάτουσ Μάνιον Ὀτακίλιον καὶ Μάνιον Οὐαλέριον τάσ τε δυνάμεισ ἁπάσασ ἐξαπέστελλον καὶ τοὺσ στρατηγοὺσ ἀμφοτέρουσ εἰσ τὴν Σικελίαν. ἔστι δὲ παρὰ Ῥωμαίοισ τὰ πάντα τέτταρα στρατόπεδα Ῥωμαϊκὰ χωρὶσ τῶν συμμάχων, ἃ κατ’ ἐνιαυτὸν προχειρίζονται·

τούτων ἕκαστον ἀνὰ τετρακισχιλίουσ πεζούσ, ἱππεῖσ δὲ τριακοσίουσ. ὧν παραγενομένων ἀπό τε τῶν Καρχηδονίων αἱ πλείουσ ἀφιστάμεναι πόλεισ προσετίθεντο τοῖσ Ῥωμαίοισ ἀπό τε τῶν Συρακοσίων.

ὁ δ’ Ιἕρων θεωρῶν τὴν διατροπὴν καὶ κατάπληξιν τῶν Σικελιωτῶν, ἅμα δὲ τὸ πλῆθοσ καὶ τὸ βάροσ τῶν Ῥωμαϊκῶν στρατοπέδων, ἐκ πάντων συνελογίζετο τούτων ἐπικυδεστέρασ εἶναι τὰσ τῶν Ῥωμαίων ἢ τὰσ τῶν Καρχηδονίων ἐλπίδασ.

διόπερ ἐπὶ τοῦτο τὸ μέροσ ὁρμήσασ τοῖσ λογισμοῖσ διεπέμπετο πρὸσ τοὺσ στρατηγούσ, ὑπὲρ εἰρήνησ καὶ φιλίασ ποιούμενοσ τοὺσ λόγουσ.

οἱ δὲ Ῥωμαῖοι προσεδέξαντο, καὶ μάλιστα διὰ τὰσ χορηγίασ·

θαλαττοκρατούντων γὰρ τῶν Καρχηδονίων εὐλαβοῦντο μὴ πανταχόθεν ἀποκλεισθῶσι τῶν ἀναγκαίων διὰ τὸ καὶ περὶ τὰ πρὸ τοῦ διαβάντα στρατόπεδα πολλὴν ἔνδειαν γεγονέναι τῶν ἐπιτηδείων.

διόπερ ὑπολαβόντεσ τὸν Ιἕρωνα μεγάλην εἰσ τοῦτο τὸ μέροσ αὑτοῖσ παρέξεσθαι χρείαν ἀσμένωσ προσεδέξαντο τὴν φιλίαν.

ποιησάμενοι δὲ συνθήκασ ἐφ’ ᾧ τὰ μὲν αἰχμάλωτα χωρὶσ λύτρων ἀποδοῦναι τὸν βασιλέα Ῥωμαίοισ, ἀργυρίου δὲ προσθεῖναι τάλαντα τούτοισ ἑκατόν, λοιπὸν ἤδη Ῥωμαῖοι μὲν ὡσ φίλοισ καὶ συμμάχοισ ἐχρῶντο τοῖσ Συρακοσίοισ.

ὁ δὲ βασιλεὺσ Ιἕρων ὑποστείλασ ἑαυτὸν ὑπὸ τὴν Ῥωμαίων σκέπην καὶ χορηγῶν ἀεὶ τούτοισ εἰσ τὰ κατεπείγοντα τῶν πραγμάτων ἀδεῶσ ἐβασίλευε τῶν Συρακοσίων τὸν μετὰ ταῦτα χρόνον, φιλοστεφανῶν καὶ φιλοδοξῶν εἰσ τοὺσ Ἕλληνασ.

ἐπιφανέστατοσ γὰρ δὴ πάντων οὗτοσ δοκεῖ καὶ πλεῖστον χρόνον ἀπολελαυκέναι τῆσ ἰδίασ εὐβουλίασ ἔν τε τοῖσ κατὰ μέροσ καὶ τοῖσ καθόλου πράγμασιν.

일치하는 문장이 없습니다.

SEARCH

MENU NAVIGATION