헬라어 문장 검색 - ΠολψβίΗιστορί01́047́

(폴리비오스, Histories, book 1, chapter 47)

καταπληττόμενοσ τῷ παραβόλῳ. μέγιστα δὲ συνεβάλλετο πρὸσ τὴν τόλμαν αὐτοῦ τὸ διὰ τῶν προβραχέων ἐκ τῆσ ἐμπειρίασ ἀκριβῶσ σεσημειῶσθαι τὸν εἴσπλουν· ὑπεράρασ γὰρ καὶ φαινόμενοσ ἔπειτ’ ἂν ἀπὸ τῶν κατὰ τὴν Ἰταλίαν μερῶν ἐλάμβανε τὸν ἐπὶ τῆσ θαλάττησ πύργον κατὰ πρῶρραν οὕτωσ ὥστε τοῖσ πρὸσ τὴν Λιβύην τετραμμένοισ πύργοισ τῆσ πόλεωσ ἐπιπροσθεῖν ἅπασι·

δι’ οὗ τρόπου μόνωσ ἐστὶ δυνατὸν ἐξ οὐρίασ τοῦ κατὰ τὸν εἴσπλουν στόματοσ εὐστοχεῖν. τῇ δὲ τοῦ Ῥοδίου τόλμῃ πιστεύσαντεσ καὶ πλείουσ ἀπεθάρρησαν τῶν εἰδότων τοὺσ τόπουσ τὸ παραπλήσιον ποιεῖν·

ἐξ ὧν οἱ Ῥωμαῖοι δυσχρηστούμενοι τῷ συμβαίνοντι χωννύειν τὸ στόμα τοῦ λιμένοσ ἐπεχείρησαν. κατὰ δέ τινα τόπον ἔχοντα βράχεα συνέστη χῶμα μετὰ πολλῆσ ταλαιπωρίασ, ἐφ’ ᾧ τετρήρησ ἐκτρέχουσα νυκτὸσ ἐκάθισε καὶ τοῖσ πολεμίοισ ὑποχείριοσ ἐγένετο, διαφέρουσα τῇ κατασκευῇ τῆσ ναυπηγίασ.

ἧσ οἱ Ῥωμαῖοι κρατήσαντεσ καὶ πληρώματι καταρτίσαντεσ ἐπιλέκτῳ πάντασ τοὺσ εἰσπλέοντασ, μάλιστα δὲ τὸν Ῥόδιον, ἐπετήρουν.

ὁ δὲ κατὰ τύχην εἰσπλεύσασ νυκτὸσ μετὰ ταῦτα πάλιν ἀνήγετο φανερῶσ.

θεωρῶν δ’ ἐκ καταβολῆσ αὑτῷ τὴν τετρήρη συνεξορμήσασαν, γνοὺσ τὴν ναῦν διετράπη. τὸ μὲν οὖν πρῶτον ὡρ́μησεν ὡσ καταταχήσων·

τῇ δὲ τοῦ πληρώματοσ παρασκευῇ καταλαμβανόμενοσ, τέλοσ ἐπιστρέψασ ἠναγκάσθη συμβαλεῖν τοῖσ πολεμίοισ. καταπροτερούμενοσ δὲ τοῖσ ἐπιβατικοῖσ διά τε τὸ πλῆθοσ καὶ διὰ τὴν ἐκλογὴν τῶν ἀνδρῶν ἐγένετο τοῖσ ἐχθροῖσ ὑποχείριοσ.

οἱ δὲ Ῥωμαῖοι, κυριεύσαντεσ καὶ ταύτησ τῆσ νεὼσ εὖ κατεσκευασμένησ καὶ καταρτίσαντεσ αὐτὴν τοῖσ πρὸσ τὴν χρείαν, οὕτωσ ἐκώλυσαν τοὺσ κατατολμῶντασ καὶ πλέοντασ εἰσ τὸ Λιλύβαιον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Polybius, Histories, book 1, chapter 47

(폴리비오스, Histories, book 1, chapter 47)

상위

목록

SEARCH

MENU NAVIGATION