Polybius, Histories, book 1, chapter 2

(폴리비오스, Histories, book 1, chapter 2)

Ὡσ δ’ ἔστι παράδοξον καὶ μέγα τὸ περὶ τὴν ἡμετέραν ὑπόθεσιν θεώρημα γένοιτ’ ἂν οὕτωσ μάλιστ’ ἐμφανέσ, εἰ τὰσ ἐλλογιμωτάτασ τῶν προγεγενημένων δυναστειῶν, περὶ ἃσ οἱ συγγραφεῖσ τοὺσ πλείστουσ διατέθεινται λόγουσ, παραβάλοιμεν καὶ συγκρίναιμεν πρὸσ τὴν Ῥωμαίων ὑπεροχήν. εἰσὶ δ’ αἱ τῆσ παραβολῆσ ἄξιαι καὶ συγκρίσεωσ αὗται.

Πέρσαι κατά τινασ καιροὺσ μεγάλην ἀρχὴν κατεκτήσαντο καὶ δυναστείαν· ἀλλ’ ὁσάκισ ἐτόλμησαν ὑπερβῆναι τοὺσ τῆσ Ἀσίασ ὁρ́ουσ, οὐ μόνον ὑπὲρ τῆσ ἀρχῆσ, ἀλλὰ καὶ περὶ σφῶν ἐκινδύνευσαν. Λακεδαιμόνιοι πολλοὺσ ἀμφισβητήσαντεσ χρόνουσ ὑπὲρ τῆσ τῶν Ἑλλήνων ἡγεμονίασ, ἐπειδή ποτ’ ἐκράτησαν, μόλισ ἔτη δώδεκα κατεῖχον αὐτὴν ἀδήριτον.

Μακεδόνεσ τῆσ μὲν Εὐρώπησ ἦρξαν ἀπὸ τῶν κατὰ τὸν Ἀδρίαν τόπων ἑώσ ἐπὶ τὸν Ἴστρον ποταμόν, ὃ βραχὺ παντελῶσ ἂν φανείη μέροσ τῆσ προειρημένησ χώρασ·

μετὰ δὲ ταῦτα προσέλαβον τὴν τῆσ Ἀσίασ ἀρχήν, καταλύσαντεσ τὴν τῶν Περσῶν δυναστείαν.

ἀλλ’ ὅμωσ οὗτοι πλείστων δόξαντεσ καὶ τόπων καὶ πραγμάτων γενέσθαι κύριοι, τὸ πολὺ μέροσ ἀκμὴν ἀπέλιπον τῆσ οἰκουμένησ ἀλλότριον. Σικελίασ μὲν γὰρ καὶ Σαρδοῦσ καὶ Λιβύησ οὐδ’ ἐπεβάλοντο καθάπαξ ἀμφισβητεῖν, τῆσ δ’ Εὐρώπησ τὰ μαχιμώτατα γένη τῶν προσεσπερίων ἐθνῶν ἰσχνῶσ εἰπεῖν οὐδ’ ἐγίνωσκον.

Ῥωμαῖοί γε μὴν οὐ τινὰ μέρη, σχεδὸν δὲ πᾶσαν πεποιημένοι τὴν οἰκουμένην ὑπήκοον αὑτοῖσ, ἀνυπόστατον μὲν τοῖσ ὑπάρχουσι πᾶσιν, ἀνυπέρβλητον δὲ καὶ τοῖσ ἐπιγινομένοισ ὑπεροχὴν κα τέλιπον τῆσ αὑτῶν δυναστείασ.

περὶ δὲ τοῦ μεντολαδιατ ἐκ τῆσ γραφῆσ ἐξέσται σαφέστερον κατανοεῖν·

ὁμοίωσ δὲ καὶ περὶ τοῦ πόσα καὶ πηλίκα συμβάλλεσθαι πέφυκε τοῖσ φιλομαθοῦσιν ὁ τῆσ πραγματικῆσ ἱστορίασ τρόποσ.

일치하는 문장이 없습니다.

SEARCH

MENU NAVIGATION