Polybius, Histories, book 1, chapter 87

(폴리비오스, Histories, book 1, chapter 87)

Οἱ δὲ Καρχηδόνιοι παραδόξου τῆσ περιπετείασ αὐτοῖσ φανείσησ δυσθύμωσ καὶ δυσελπίστωσ εἶχον πάλιν· ἄρτι γὰρ ἀναθαρροῦντεσ ταῖσ ψυχαῖσ παρὰ πόδασ ἔπιπτον αὖθισ ταῖσ ἐλπίσιν. οὐ μὴν ἀφίσταντο τοῦ ποιεῖν τὰ πρὸσ τὴν σωτηρίαν.

ἐντειλάμενοι πολλὰ τοῖσ τῆσ γερουσίασ κατὰ πάντα τρόπον διαλῦσαι τοὺσ στρατηγοὺσ ἐκ τῆσ προγεγενημένησ διαφορᾶσ καὶ συμφρονεῖν σφᾶσ ἀναγκάσαι, βλέψαντασ εἰσ τὰ παρόντα τῶν πραγμάτων.

ὥστε τοὺσ περὶ τὸν Μάθω δυσχρηστουμένουσ ἐν τοῖσ κατὰ μέροσ κινδύνοισ ‐ πολλοὺσ γὰρ ἐποιήσαντο περί τε τὴν Λέπτιν προσαγορευομένην καί τινασ τῶν ἄλλων πόλεων ‐ τέλοσ ἐπὶ τὸ διὰ μάχησ κρίνειν ὁρμῆσαι τὰ πράγματα, προθύμωσ ἐχόντων πρὸσ τοῦτο τὸ μέροσ καὶ τῶν Καρχηδονίων.

διόπερ ἀμφότεροι τοῦτο προθέμενοι παρεκάλουν μὲν πάντασ τοὺσ συμμάχουσ πρὸσ τὸν κίνδυνον, συνῆγον δὲ τὰσ φρουρὰσ ἐκ τῶν πόλεων, ὡσ ἂν μέλλοντεσ ἐκκυβεύειν ὑπὲρ τῶν ὅλων.

ἐπειδὴ δ’ ἑκατέροισ ἦν τὰ πρὸσ τὴν ἐπιβολὴν ἕτοιμα, παραταξάμενοι συνέβαλλον ἀλλήλοισ ἐξ ὁμολόγου.

γενομένου δὲ τοῦ νικήματοσ κατὰ τοὺσ Καρχηδονίουσ, οἱ μὲν πλεῖστοι τῶν Λιβύων ἐν αὐτῷ τῷ κινδύνῳ διεφθάρησαν, οἱ δὲ πρόσ τινα πόλιν συμφυγόντεσ μετ’ οὐ πολὺ παρέδοσαν ἑαυτούσ, ὁ δὲ Μάθωσ ὑποχείριοσ ἐγένετο τοῖσ ἐχθροῖσ ζωγρίᾳ.

일치하는 문장이 없습니다.

SEARCH

MENU NAVIGATION