Polybius, Histories, book 1, chapter 51

(폴리비오스, Histories, book 1, chapter 51)

ποιησαμένουσ τὴν συμπλοκήν. ἐπειδὴ δὲ σύνεγγυσ αὑτῶν ἦσαν, ἀρθέντων τῶν συνθημάτων ἐφ’ ἑκατέρασ τῆσ ναυαρχίδοσ συνέβαλλον ἀλλήλοισ. τὸ μὲν οὖν πρῶτον ἰσόρροποσ ἦν ὁ κίνδυνοσ, ὡσ ἂν ἀμφοτέρων τοῖσ ἀρίστοισ ἐκ τῆσ πεζικῆσ δυνάμεωσ ἐπιβάταισ χρωμένων·

ἀεὶ δὲ μᾶλλον ὑπερεῖχον οἱ Καρχηδόνιοι διὰ τὸ πολλὰ προτερήματα παρ’ ὅλον ἔχειν τὸν ἀγῶνα.

τῷ τε γὰρ ταχυναυτεῖν πολὺ περιῆσαν διὰ τὴν διαφορὰν τῆσ ναυπηγίασ καὶ τὴν τῶν πληρωμάτων ἕξιν, ἥ τε χώρα μεγάλα συνεβάλλετ’ αὐτοῖσ, ἅτε πεποιημένων τὴν ἔκταξιν ἀπὸ τῶν κατὰ τὸ πέλαγοσ τόπων.

εἴτε γὰρ πιέζοιντό τινεσ ὑπὸ τῶν πολεμίων, κατόπιν ἀνεχώρουν ἀσφαλῶσ διὰ τὸ ταχυναυτεῖν εἰσ τὸν ἀναπεπταμένον τόπον·

κἄπειτ’ ἐκ μεταβολῆσ τοῖσ προπίπτουσι τῶν διωκόντων, τοτὲ μὲν περιπλέοντεσ τοτὲ δὲ πλάγιοι προσπίπτοντεσ στρεφομένοισ καὶ δυσχρηστοῦσι διὰ τὸ βάροσ τῶν πλοίων καὶ διὰ τὴν ἀπειρίαν τῶν πληρωμάτων, ἐμβολάσ τε συνεχεῖσ ἐδίδοσαν καὶ πολλὰ τῶν σκαφῶν ἐβάπτιζον·

εἴτε κινδυνεύοι τισ τῶν συμμάχων, ἑτοίμωσ παρεβοήθουν ἔξω τοῦ δεινοῦ καὶ μετ’ ἀσφαλείασ, παρὰ τὰσ πρύμνασ κατὰ τὸ πέλαγοσ ποιούμενοι τὸν πλοῦν.

τοῖσ γε μὴν Ῥωμαίοισ τἀναντία τούτων συνέβαινε·

τοῖσ τε γὰρ πιεζομένοισ οὐκ ἦν εἰσ τοὔπισθεν δυνατὸν ἀποχωρεῖν, πρὸσ τῇ γῇ ποιουμένοισ τὸν κίνδυνον, ἀεὶ δὲ τὸ θλιβόμενον ὑπὸ τῶν κατὰ πρόσωπον σκάφοσ ἢ τοῖσ βραχέσι περιπῖπτον ἐκάθιζε κατὰ πρύμναν ἢ πρὸσ τὴν γῆν φερόμενον ἐπώκελλε. διεκπλεῖν μὲν οὖν διὰ τῶν πολεμίων νεῶν καὶ κατόπιν ἐπιφαίνεσθαι τοῖσ ἤδη πρὸσ ἑτέρουσ διαμαχομένοισ, ὅπερ ἐν τῷ ναυμαχεῖν ἐστι πρακτικώτατον, ἀδυνάτωσ εἶχον διά τε τὴν βαρύτητα τῶν πλοίων, προσέτι δὲ καὶ τὴν ἀπειρίαν τῶν πληρωμάτων.

οὐδὲ μὴν ἐπιβοηθεῖν τοῖσ δεομένοισ κατὰ πρύμναν ἐδύναντο διὰ τὸ συγκεκλεῖσθαι πρὸσ τῇ γῇ καὶ μηδὲ μικρὸν ἀπολείπεσθαι τόπον τοῖσ βουλομένοισ ἐπαρκεῖν τῷ δεομένῳ.

τοιαύτησ δὲ δυσχρηστίασ ὑπαρχούσησ περὶ τὸν ὅλον ἀγῶνα, καὶ τῶν μὲν καθιζόντων ἐν τοῖσ βράχεσι, τῶν δ’ ἐκπιπτόντων σκαφῶν, κατιδὼν ὁ στρατηγὸσ τῶν Ῥωμαίων τὸ συμβαῖνον ὡρ́μησε πρὸσ φυγήν, ἀπὸ τῶν εὐωνύμων παρὰ τὴν γῆν ἐξελίξασ, καὶ σὺν αὐτῷ περὶ τριάκοντα νῆασ, αἵπερ ἔτυχον ἐγγὺσ οὖσαι.

τῶν δὲ λοιπῶν σκαφῶν, ὄντων ἐνενήκοντα καὶ τριῶν, ἐκυρίευσαν οἱ Καρχηδόνιοι καὶ τῶν πληρωμάτων, ὅσοι μὴ τῶν ἀνδρῶν τὰσ ναῦσ εἰσ τὴν γῆν ἐκβαλόντεσ ἀπεχώρησαν.

일치하는 문장이 없습니다.

SEARCH

MENU NAVIGATION