Polybius, Histories, book 1, chapter 1

Εἰ μὲν τοῖσ πρὸ ἡμῶν ἀναγράφουσι τὰσ πράξεισ παραλελεῖφθαι συνέβαινε τὸν ὑπὲρ αὐτῆσ τῆσ ἱστορίασ ἔπαινον, ἴσωσ ἀναγκαῖον ἦν τὸ προτρέπεσθαι πάντασ πρὸσ τὴν αἱρ́εσιν καὶ παραδοχὴν τῶν τοιούτων ὑπομνημάτων διὰ τὸ μηδεμίαν ἑτοιμοτέραν εἶναι τοῖσ ἀνθρώποισ διόρθωσιν τῆσ τῶν προγεγενημένων πράξεων ἐπιστήμησ. δῆλον ὡσ οὐδενὶ μὲν ἂν δόξαι καθήκειν περὶ τῶν καλῶσ καὶ πολλοῖσ εἰρημένων ταυτολογεῖν, ἥκιστα δ’ ἡμῖν.

ὑπὲρ ὧν προῃρήμεθα γράφειν, ἱκανόν ἐστι προκαλέσασθαι καὶ παρορμῆσαι πάντα καὶ νέον καὶ πρεσβύτερον πρὸσ τὴν ἔντευξιν τῆσ πραγματείασ.

τίσ δὲ πάλιν οὕτωσ ἐκπαθὴσ πρόσ τι τῶν ἄλλων θεαμάτων ἢ μαθημάτων ὃσ προυργιαίτερον ἄν τι ποιήσαιτο τῆσδε τῆσ ἐμπειρίασ;