Ancient Greek Text

Polybius, Histories, book 1, chapter 57

(폴리비오스, Histories, book 1, chapter 57)

φῆσ τὸν κατὰ μέροσ ἀποδοῦναι λόγον· ἐκ δὲ τῆσ καθόλου τῶν ἀνδρῶν ἐνεργείασ καὶ τῆσ ἑκατέρου φιλοτιμίασ ἔστι καὶ τῆσ ἐμπειρίασ αὐτῶν καὶ τῆσ δυνάμεωσ, πρὸσ δὲ καὶ τῆσ εὐψυχίασ, ἱκανὴν ἔννοιαν λαβεῖν, οὕτωσ δὲ καὶ περὶ τῶν νῦν λεγομένων στρατηγῶν.

τὰσ μὲν γὰρ αἰτίασ ἢ τοὺσ τρόπουσ, δι’ ὧν ἀν’ ἑκάστην ἡμέραν ἐποιοῦντο κατ’ ἀλλήλων ἐνέδρασ, ἀντενέδρασ, ἐπιθέσεισ, προσβολάσ, οὔτ’ ἂν ὁ γράφων ἐξαριθμούμενοσ ἐφίκοιτο, τοῖσ τ’ ἀκούουσιν ἀπέραντοσ ἅμα δ’ ἀνωφελὴσ ἂν ἐκ τῆσ ἀναγνώσεωσ γίνοιτο χρεία·

ἐκ δὲ τῆσ καθολικῆσ ἀποφάσεωσ περὶ αὐτῶν καὶ τοῦ τέλουσ τῆσ φιλοτιμίασ μᾶλλον ἄν τισ εἰσ ἔννοιαν ἔλθοι τῶν προειρημένων.

οὔτε γὰρ τῶν ἐξ ἱστορίασ στρατηγημάτων οὔτε τῶν ἐκ τοῦ καιροῦ καὶ τῆσ ὑποκειμένησ περιστάσεωσ ἐπινοημάτων οὔτε τῶν εἰσ παράβολον καὶ βίαιον ἀνηκόντων τόλμαν οὐδὲν παρελείφθη.

κρίσιν γε μὴν ὁλοσχερῆ γενέσθαι διὰ πλείουσ αἰτίασ οὐχ οἱο͂́ν τ’ ἦν·

αἵ τε γὰρ δυνάμεισ ἀμφοτέρων ἦσαν ἐφάμιλλοι, τά τε κατὰ τοὺσ χάρακασ ὁμοίωσ ἀπρόσιτα διὰ τὴν ὀχυρότητα, τό τε διάστημα τῶν στρατοπέδων βραχὺ παντελῶσ. ὅπερ αἴτιον ἦν μάλιστα τοῦ τὰσ μὲν κατὰ μέροσ συμπτώσεισ ἀπαύστουσ γίνεσθαι καθ’ ἡμέραν, ὁλοσχερὲσ δὲ συντελεῖσθαι μηδέν.

τούτουσ γὰρ αὐτοὺσ ἀεὶ συνέβαινε διαφθείρεσθαι κατὰ τὰσ συμπλοκάσ, τοὺσ ἐν χειρῶν νόμῳ περιπεσόντασ·

οἱ δ’ ἅπαξ ἐγκλίναντεσ εὐθέωσ ἐκτὸσ τοῦ δεινοῦ πάντεσ ἦσαν ὑπὸ ταῖσ αὑτῶν ἀσφαλείαισ καὶ πάλιν ἐκ μεταβολῆσ ἐκινδύνευον.