Polybius, Histories, book 1, chapter 68

(폴리비오스, Histories, book 1, chapter 68)

Οἱ δὲ Καρχηδόνιοι τότε πρὸ ὀφθαλμῶν ἐλάμβανον τὴν αὑτῶν ἄγνοιαν, ὅτ’ ἦν οὐδὲν ὄφελοσ. μεγάλα μὲν γὰρ ἥμαρτον, εἰσ ἕνα τόπον ἁθροίσαντεσ τοσοῦτο πλῆθοσ μισθοφόρων, ἔχοντεσ οὐδεμίαν ἐλπίδα πολεμικῆσ χρείασ ἐν ταῖσ πολιτικαῖσ δυνάμεσι·

τούτου δὲ μεῖζον ἔτι, προέμενοι τὰ τέκνα καὶ τὰσ γυναῖκασ καὶ σὺν τούτοισ τὰσ ἀποσκευάσ·

καὶ τάσ τε τῶν ἐπιτηδείων ἀγορὰσ ἐκπέμποντεσ δαψιλεῖσ ἐπώλουν, καθὼσ ἐκεῖνοι βούλοιντο καὶ τάττοιεν τὰσ τιμάσ, τῶν τε τῆσ γερουσίασ ἀεί τινασ ἐξαπέστελλον πρέσβεισ, ὑπισχνούμενοι ποιήσειν πᾶν ὅ,τι ποτ’ ἂν αὐτοὺσ ἀξιώσαιεν εἰ κατὰ δύναμιν.

πεφρονηματισμένων δὲ καὶ πεπεισμένων διὰ τοὺσ προγεγονότασ αὐτοῖσ ἐν Σικελίᾳ πρὸσ τὰ Ῥωμαϊκὰ στρατόπεδα κινδύνουσ μὴ οἱο͂ν Καρχηδονίουσ ἀντοφθαλμῆσαί ποτ’ ἂν πρὸσ αὐτοὺσ ἐν τοῖσ ὅπλοισ, ἀλλὰ μηδὲ τῶν λοιπῶν ἀνθρώπων μηδένα ῥᾳδίωσ.

διόπερ ἅμα τῷ συγχωρῆσαι τὰ περὶ τῶν ὀψωνίων αὐτοῖσ τοὺσ Καρχηδονίουσ εὐθέωσ ἐπέβαινον καὶ τῶν τεθνεώτων ἵππων ἀπῄτουν τὰσ ἀξίασ.

προσδεξαμένων δὲ καὶ τοῦτο, πάλιν τῆσ προσοφειλομένησ σιτομετρίασ ἐκ πλείονοσ χρόνου τὴν μεγίστην γεγονυῖαν ἐν τῷ πολέμῳ τιμὴν ἔφασκον αὑτοὺσ δεῖν κομίζεσθαι.

καθόλου δ’ ἀεί τι νέον καὶ καινὸν προσεξεύρισκον, εἰσ ἀδύνατον ἐκβάλλοντεσ τὴν διάλυσιν διὰ τὸ πολλοὺσ καχέκτασ καὶ στασιώδεισ ἐν αὐτοῖσ ὑπάρχειν.

οὐ μὴν ἀλλὰ πᾶν τὸ δυνατὸν ὑπισχνουμένων τῶν Καρχηδονίων, κατένευσαν ἐπιτρέψειν περὶ τῶν ἀμφισβητουμένων ἑνὶ τῶν ἐν Σικελίᾳ γεγονότων στρατηγῶν.

πρὸσ μὲν οὖν Ἀμίλκαν τὸν Βάρκαν, μεθ’ οὗ συγκεκινδυνεύκεσαν ἐν τῇ Σικελίᾳ, δυσχερῶσ εἶχον, δοκοῦντεσ οὐχ ἥκιστα δι’ ἐκεῖνον ὀλιγωρεῖσθαι τῷ μήτε πρεσβεύειν πρὸσ αὐτοὺσ τήν τε στρατηγίαν ἑκουσίωσ δοκεῖν ἀποτεθεῖσθαι·

πρὸσ δὲ Γέσκωνα πάνυ διέκειντο φιλανθρώπωσ, ὃσ ἐγεγόνει μὲν ἐν Σικελίᾳ στρατηγόσ, ἐπεποίητο δ’ αὐτῶν πρόνοιαν τὴν ἐνδεχομένην ἔν τε τοῖσ ἄλλοισ καὶ μάλιστα περὶ τὴν ἀνακομιδήν.

일치하는 문장이 없습니다.

SEARCH

MENU NAVIGATION