헬라어 텍스트

Polybius, Histories, book 1, chapter 85

(폴리비오스, Histories, book 1, chapter 85)

τότε προδήλου τῆσ αἰκίασ διὰ τὴν περικάκησιν ἐκ τῶν πολλῶν τοῖσ ἡγεμόσιν ὑπαρχούσησ, ἔκριναν οἱ περὶ τὸν Αὐτάριτον καὶ Ζάρζαν καὶ Σπένδιον ἐγχειρίζειν ἑαυτοὺσ τοῖσ πολεμίοισ καὶ διαλαλεῖν περὶ διαλύσεωσ Ἀμίλκᾳ. πέμψαντεσ οὖν κήρυκα καὶ λαβόντεσ συγχώρημα περὶ πρεσβείασ ἧκον, ὄντεσ δέκα, πρὸσ τοὺσ Καρχηδονίουσ.

πρὸσ οὓσ Ἀμίλκασ ὁμολογίασ ἐποιήσατο τοιαύτασ·

ἐξεῖναι Καρχηδονίοισ ἐκλέξασθαι τῶν πολεμίων οὓσ ἂν αὐτοὶ βούλωνται δέκα· τοὺσ δὲ λοιποὺσ ἀφιέναι μετὰ χιτῶνοσ. γενομένων δὲ τούτων εὐθέωσ Ἀμίλκασ ἔφη τοὺσ παρόντασ ἐκλέγεσθαι κατὰ τὰσ ὁμολογίασ.

τῶν μὲν οὖν περὶ τὸν Αὐτάριτον καὶ Σπένδιον καὶ τῶν ἄλλων τῶν ἐπιφανεστάτων ἡγεμόνων τοῦτον τὸν τρόπον ἐκυρίευσαν οἱ Καρχηδόνιοι. τῶν δὲ Λιβύων, ἐπεὶ τὴν σύλληψιν ᾔσθοντο τῶν ἡγεμόνων, νομισάντων αὑτοὺσ παρεσπονδῆσθαι διὰ τὸ τὰσ συνθήκασ ἀγνοεῖν, καὶ διὰ ταύτην τὴν αἰτίαν ὁρμησάντων ἐπὶ τὰ ὅπλα, περιστήσασ αὐτοῖσ Ἀμίλκασ τά τε θηρία καὶ τὴν λοιπὴν δύναμιν ἅπαντασ διέφθειρε, πλείουσ ὄντασ τῶν τετρακισμυρίων, περὶ τὸν τόπον τὸν Πρίονα καλούμενον·

ὃν συμβαίνει διὰ τὴν ὁμοιότητα τοῦ σχήματοσ πρὸσ τὸ νῦν εἰρημένον ὄργανον ταύτησ τετευχέναι τῆσ προσηγορίασ.