Polybius, Histories, book 1, chapter 33

(폴리비오스, Histories, book 1, chapter 33)

Οἱ δὲ Ῥωμαῖοι θεωροῦντεσ τοὺσ Καρχηδονίουσ τάσ τε πορείασ ποιουμένουσ διὰ τῶν ὁμαλῶν τόπων καὶ τὰσ στρατοπεδείασ τιθέντασ ἐν τοῖσ ἐπιπέδοισ τῶν χωρίων, κατ’ αὐτὸ μὲν τοῦτο ξενιζόμενοι διετρέποντο, τοῖσ γε μὴν ὅλοισ ἔσπευδον ἐγγίσαι τοῖσ πολεμίοισ. συνάψαντεσ δὲ τὴν μὲν πρώτην ἡμέραν κατεστρατοπέδευσαν ὡσ δέκα σταδίουσ ἀποσχόντεσ τῶν ὑπεναντίων.

τῇ δὲ κατὰ πόδασ οἱ μὲν προεστῶτεσ τῶν Καρχηδονίων ἐβουλεύοντο πῶσ καὶ τί πρακτέον εἰή κατὰ τὸ παρόν·

οἱ δὲ πολλοὶ προθύμωσ ἔχοντεσ πρὸσ τὸν κίνδυνον, συστρεφόμενοι κατὰ μέρη καὶ κατ’ ὄνομα τὸν Ξάνθιππον ἀναβοῶντεσ ἐξάγειν σφᾶσ ᾤοντο δεῖν τὴν ταχίστην.

οἱ δὲ στρατηγοὶ τήν τε τῶν ὄχλων ὁρμὴν καὶ προθυμίαν θεωροῦντεσ, ἅμα δὲ καὶ τοῦ Ξανθίππου διαμαρτυρομένου μὴ παριέναι τὸν καιρόν, παρήγγειλαν τῷ μὲν πλήθει διασκευάζεσθαι, τῷ δὲ Ξανθίππῳ χρῆσθαι τοῖσ πράγμασιν ἐπέτρεψαν ὥσ ποτ’ αὐτῷ δοκεῖ συμφέρειν.

ὁ δὲ λαβὼν τὴν ἐξουσίαν, τοὺσ μὲν ἐλέφαντασ ἐξαγαγὼν ἐφ’ ἕνα πρὸ πάσησ τῆσ δυνάμεωσ ἐν μετώπῳ κατέστησε, τὴν δὲ φάλαγγα τῶν Καρχηδονίων ἐν ἀποστήματι συμμέτρῳ τούτοισ κατόπιν ἐπέστησε.

τῶν δὲ μισθοφόρων τοὺσ μὲν ἐπὶ τὸ δεξιὸν κέρασ παρενέβαλεν, τοὺσ δ’ εὐκινητοτάτουσ ὁμοῦ τοῖσ ἱππεῦσιν ἑκατέρου τοῦ κέρατοσ προέστησεν.

οἱ δὲ Ῥωμαῖοι συνιδόντεσ παραταττομένουσ τοὺσ ὑπεναντίουσ ἀντεξῄεσαν ἑτοίμωσ.

καταπληττόμενοι δὲ καὶ προορώμενοι τὴν τῶν ἐλεφάντων ἔφοδον, προθέμενοι τοὺσ γροσφομάχουσ πολλὰσ ἐπ’ ἀλλήλαισ κατόπιν ἵστασαν σημείασ, τοὺσ δ’ ἱππεῖσ ἐμέρισαν ἐφ’ ἑκάτερον τὸ κέρασ.

τὴν δὲ σύμπασαν τάξιν βραχυτέραν μὲν ἢ πρόσθεν, βαθυτέραν δὲ ποιήσαντεσ τῆσ μὲν πρὸσ τὰ θηρία μάχησ δεόντωσ ἦσαν ἐστοχασμένοι, τῆσ δὲ πρὸσ τοὺσ ἱππεῖσ, πολλαπλασίουσ ὄντασ τῶν παρ’ αὐτοῖσ, ὁλοσχερῶσ ἠστόχησαν.

ἐπεὶ δ’ ἀμφότεροι κατὰ τὰσ ἑαυτῶν προαιρέσεισ καὶ καθόλου καὶ κατὰ μέροσ ἑκάστουσ ἔθηκαν εἰσ τὰσ ἁρμοζούσασ τάξεισ, ἔμενον ἐν κόσμῳ, καραδοκοῦντεσ τὸν καιρὸν τῆσ ἀλλήλων ἐπιθέσεωσ.

일치하는 문장이 없습니다.

SEARCH

MENU NAVIGATION