헬라어 문장 검색 - ΠολψβίΗιστορί01́080́

(폴리비오스, Histories, book 1, chapter 80)

πλήσια τοῖσ ἐκ τῆσ Σαρδόνοσ διασαφῶν. ἐφ’ ὃν Αὐτάριτοσ ὁ Γαλάτησ ἐπιβαλὼν μίαν ἔφη σωτηρίαν εἶναι τοῖσ ἑαυτῶν πράγμασι τὸ πάσασ ἀπογνῶναι τὰσ ἐν Καρχηδονίοισ ἐλπίδασ· ἑώσ δ’ ἂν ἀντέχηταί τισ τῆσ ἐκείνων φιλανθρωπίασ, οὐ δυνατὸν αὐτοῖσ ἀληθινὸν γενέσθαι τὸν τοιοῦτον σύμμαχον.

διόπερ ἠξίου τούτοισ πιστεύειν, τούτοισ ἀκούειν, τοῖσ τοιούτοισ προσέχειν τὸν νοῦν, οἵτινεσ ἂν ἀεί τι τῶν ἀπεχθεστάτων καὶ πικροτάτων εἰσαγγέλλωσι κατὰ Καρχηδονίων·

τοὺσ δ’ ἐναντία τούτοισ λέγοντασ προδότασ καὶ πολεμίουσ ἡγεῖσθαι παρῄνει. ταῦτα δ’ εἰπὼν συνεβούλευε τόν τε Γέσκωνα καὶ τοὺσ μετ’ αὐτοῦ συλληφθέντασ καὶ τοὺσ ὕστερον γενομένουσ αἰχμαλώτουσ τῶν Καρχηδονίων αἰκισαμένουσ ἀποκτεῖναι.

πρακτικώτατοσ δ’ ἦν οὗτοσ ἐν ταῖσ συμβουλίαισ διὰ τὸ πολλοὺσ τὴν φωνὴν αὐτοῦ συνιέναι.

πάλαι γὰρ στρατευόμενοσ ᾔδει διαλέγεσθαι Φοινικιστί·

ταύτῃ δέ πωσ οἱ πλεῖστοι συνεσαίνοντο τῇ διαλέκτῳ διὰ τὸ μῆκοσ τῆσ προγεγενημένησ στρατείασ. διόπερ ἐπαινέσαντοσ αὐτὸν ὁμοθυμαδὸν τοῦ πλήθουσ, οὗτοσ μὲν εὐδοκιμῶν ἀνεχώρησεν.

πολλῶν δὲ προπορευομένων ἀφ’ ἑκάστου γένουσ ἅμα καὶ βουλομένων αὐτὴν παραιτεῖσθαι τὴν αἰκίαν διὰ τὰσ γεγενημένασ ἐκ τοῦ Γέσκωνοσ εἰσ αὐτοὺσ εὐεργεσίασ, οὔτε μὴν τῶν λεγομένων οὐθὲν ἦν συνετόν, ὡσ ἂν ἅμα πολλῶν, ἑκάστου δὲ κατὰ τὴν ἰδίαν διάλεκτον συμβουλεύοντοσ·

ἐπεὶ δὲ καὶ παρεγυμνώθη διότι τὴν τιμωρίαν παραιτοῦνται, καί τισ ἐκ τῶν καθημένων εἶπεν βάλλε, πάντασ ἅμα κατέλευσαν τοὺσ προπορευθέντασ.

καὶ τούτουσ μὲν ὥσπερ ὑπὸ θηρίων διεφθαρμένουσ ἐξέφερον οἱ προσήκοντεσ.

τοὺσ δὲ περὶ τὸν Γέσκωνα λαβόντεσ, ὄντασ εἰσ ἑπτακοσίουσ, ἦγον ἐκ τοῦ χάρακοσ οἱ περὶ τὸν Σπένδιον·

ποιούμενοι τὴν ἀρχὴν ἀπὸ τοῦ Γέσκωνοσ, ὃν βραχεῖ χρόνῳ πρότερον ἐκ πάντων Καρχηδονίων προκρίναντεσ ἀνέδειξαν μὲν εὐεργέτην αὑτῶν, ἐπέτρεψαν δὲ περὶ τῶν ἀμφισβητουμένων.

ἐπειδὴ δὲ τὰσ χεῖρασ ἀπέκοψαν, ἠκρωτηρίαζον τοὺσ ταλαιπώρουσ·

κολοβώσαντεσ δὲ καὶ τὰ σκέλη συντρίψαντεσ ἔτι ζῶντασ ἔρριψαν εἴσ τινα τάφρον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 80

(폴리비오스, Histories, book 1, chapter 80)

상위

목록

SEARCH

MENU NAVIGATION