호흡부호 보기
강세부호 보기
장단부호 보기
작은 Iota 보기
모든 부호 보기
Τοῦ δὲ προτερήματοσ τούτου προσπεσόντοσ εἰσ τὴν Ῥώμην, περιχαρεῖσ ἦσαν οὐχ οὕτωσ ἐπὶ τῷ τοὺσ πολεμίουσ ἠλαττῶσθαι τῶν θηρίων ἐστερημένουσ, ὡσ ἐπὶ τῷ τοὺσ ἰδίουσ τεθαρρηκέναι τῶν ἐλεφάντων κεκρατηκότασ. διὸ καὶ πάλιν ἐπερρώσθησαν διὰ ταῦτα κατὰ τὴν ἐξ ἀρχῆσ πρόθεσιν εἰσ τὸ μετὰ στόλου καὶ ναυτικῆσ δυνάμεωσ τοὺσ στρατηγοὺσ ἐπὶ τὰσ πράξεισ ἐκπέμπειν, σπουδάζοντεσ εἰσ δύναμιν πέρασ ἐπιθεῖναι τῷ πολέμῳ.
παρασκευασθέντων δὲ τῶν ἐπιτηδείων πρὸσ τὴν ἐξαποστολὴν ἔπλεον οἱ στρατηγοὶ διακοσίαισ ναυσὶν ὡσ ἐπὶ τῆσ Σικελίασ.
ἔτοσ δ’ ἦν τῷ πολέμῳ τετταρεσκαιδέκατον. καθορμισθέντεσ δὲ πρὸσ τὸ Λιλύβαιον, ἅμα καὶ τῶν πεζικῶν ἐκεῖ στρατοπέδων αὐτοῖσ ἀπηντηκότων, ἐνεχείρουν πολιορκεῖν, ὅτι κρατήσαντεσ ταύτησ ῥᾳδίωσ μεταβιβάσουσι τὸν πόλεμον εἰσ τὴν Λιβύην.
σχεδὸν δὲ περί γε τούτου τοῦ μέρουσ καὶ τῶν Καρχηδονίων οἱ προεστῶτεσ ὡμοδόξουν καὶ τοὺσ αὐτοὺσ εἶχον λογισμοὺσ τοῖσ Ῥωμαίοισ.
διὸ καὶ τἄλλα πάρεργα ποιησάμενοι περὶ τὸ βοηθεῖν ἐγίνοντο καὶ παραβάλλεσθαι καὶ πᾶν ὑπομένειν ὑπὲρ τῆσ προειρημένησ πόλεωσ διὰ τὸ μηδεμίαν ἀφορμὴν καταλείπεσθαι σφίσιν, πάσησ δὲ τῆσ ἄλλησ Σικελίασ ἐπικρατεῖν Ῥωμαίουσ πλὴν Δρεπάνων.
ἵνα δὲ μὴ τοῖσ ἀγνοοῦσι τοὺσ τόπουσ ἀσαφῆ τὰ λεγόμενα γίνηται, πειρασόμεθα διὰ βραχέων ἀγαγεῖν εἰσ ἔννοιαν τῆσ εὐκαιρίασ καὶ θέσεωσ αὐτῶν τοὺσ ἐντυγχάνοντασ.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기