호흡부호 보기
강세부호 보기
장단부호 보기
작은 Iota 보기
모든 부호 보기
ἀλλὰ τὰ μὲν κατὰ Ῥηγίνουσ τε καὶ Ταραντίνουσ τοῦ λόγου μοι παρενθήκη γέγονε· ἐσ δὲ τὴν Κρήτην ἐρημωθεῖσαν, ὡσ λέγουσι Πραίσιοι, ἐσοικίζεσθαι ἄλλουσ τε ἀνθρώπουσ καὶ μάλιστα Ἕλληνασ, τρίτῃ δὲ γενεῇ μετὰ Μίνων τελευτήσαντα γενέσθαι τὰ Τρωικά, ἐν τοῖσι οὐ φλαυροτάτουσ φαίνεσθαι ἐόντασ Κρῆτασ τιμωροὺσ Μενέλεῳ. ἀπὸ τούτων δέ σφι ἀπονοστήσασι ἐκ Τροίησ λιμόν τε καὶ λοιμὸν γενέσθαι καὶ αὐτοῖσι καὶ τοῖσι προβάτοισι, ἔστε τὸ δεύτερον ἐρημωθείσησ Κρήτησ μετὰ τῶν ὑπολοίπων τρίτουσ αὐτὴν νῦν νέμεσθαι Κρῆτασ.
ἡ μὲν δὴ Πυθίη ὑπομνήσασα ταῦτα ἔσχε βουλομένουσ τιμωρέειν τοῖσι Ἕλλησι.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기