Herodotus, The Histories, book 7, chapter 142

(헤로도토스, The Histories, book 7, chapter 142)

ταῦτα σφι ἠπιώτερα γὰρ τῶν προτέρων καὶ ἦν καὶ ἐδόκεε εἶναι, συγγραψάμενοι ἀπαλλάσσοντο ἐσ τὰσ Ἀθήνασ. ὡσ δὲ ἀπελθόντεσ οἱ θεοπρόποι ἀπήγγελλον ἐσ τὸν δῆμον, γνῶμαι καὶ ἄλλαι πολλαὶ γίνονται διζημένων τὸ μαντήιον καὶ αἵδε συνεστηκυῖαι μάλιστα. τῶν πρεσβυτέρων ἔλεγον μετεξέτεροι δοκέειν σφίσι τὸν θεὸν τὴν ἀκρόπολιν χρῆσαι περιέσεσθαι. ἡ γὰρ ἀκρόπολισ τὸ πάλαι τῶν Ἀθηναίων ῥηχῷ ἐπέφρακτο. οἳ μὲν δὴ κατὰ τὸν φραγμὸν συνεβάλλοντο τοῦτο τὸ ξύλινον τεῖχοσ εἶναι, οἳ δ’ αὖ ἔλεγον τὰσ νέασ σημαίνειν τὸν θεόν, καὶ ταύτασ παραρτέεσθαι ἐκέλευον τὰ ἄλλα ἀπέντασ.

τοὺσ ὦν δὴ τὰσ νέασ λέγοντασ εἶναι τὸ ξύλινον τεῖχοσ ἔσφαλλε τὰ δύο τὰ τελευταῖα ῥηθέντα ὑπὸ τῆσ Πυθίησ, ὦ θείη Σαλαμίσ, ἀπολεῖσ δὲ σὺ τέκνα γυναικῶν ἤ που σκιδναμένησ Δημήτεροσ ἢ συνιούσησ. κατὰ ταῦτα τὰ ἔπεα συνεχέοντο αἱ γνῶμαι τῶν φαμένων τὰσ νέασ τὸ ξύλινον τεῖχοσ εἶναι·

οἱ γὰρ χρησμολόγοι ταύτῃ ταῦτα ἐλάμβανον, ὡσ ἀμφὶ Σαλαμῖνα δεῖ σφεασ ἑσσωθῆναι ναυμαχίην παρασκευασαμένουσ.

상위

The Histories

목록

일치하는 문장이 없습니다.

SEARCH

MENU NAVIGATION