Herodotus, The Histories, book 7, chapter 205

(헤로도토스, The Histories, book 7, chapter 205)

διξῶν γάρ οἱ ἐόντων πρεσβυτέρων ἀδελφεῶν, Κλεομένεόσ τε καὶ Δωριέοσ, ἀπελήλατο τῆσ φροντίδοσ περὶ τῆσ βασιληίησ. ἀποθανόντοσ δὲ Κλεομένεοσ ἄπαιδοσ ἔρσενοσ γόνου, Δωριέοσ τε οὐκέτι ἐόντοσ ἀλλὰ τελευτήσαντοσ καὶ τούτου ἐν Σικελίῃ, οὕτω δὴ ἐσ Λεωνίδην ἀνέβαινε ἡ βασιληίη, καὶ διότι πρότεροσ ἐγεγόνεε Κλεομβρότου· οὗτοσ γὰρ ἦν νεώτατοσ Ἀναξανδρίδεω παῖσ καὶ δὴ καὶ εἶχε Κλεομένεοσ θυγατέρα. ὃσ τότε ἠιέ ἐσ Θερμοπύλασ ἐπιλεξάμενοσ ἄνδρασ τε τοὺσ κατεστεῶτασ τριηκοσίουσ καὶ τοῖσι ἐτύγχανον παῖδεσ ἐόντεσ·

παραλαβὼν δὲ ἀπίκετο καὶ Θηβαίων τοὺσ ἐσ τὸν ἀριθμὸν λογισάμενοσ εἶπον, τῶν ἐστρατήγεε Λεοντιάδησ ὁ Εὐρυμάχου. τοῦδε δὲ εἵνεκα τούτουσ σπουδὴν ἐποιήσατο Λεωνίδησ μούνουσ Ἑλλήνωι παραλαβεῖν, ὅτι σφέων μεγάλωσ κατηγόρητο μηδίζειν·

παρεκάλεε ὦν ἐσ τὸν πόλεμον, θέλων εἰδέναι εἴτε συμπέμψουσι εἴτε καὶ ἀπερέουσι ἐκ τοῦ ἐμφανέοσ τὴν Ἑλλήνων συμμαχίην. οἳ δὲ ἀλλοφρονέοντεσ ἔπεμπον.

상위

The Histories

목록

일치하는 문장이 없습니다.

SEARCH

MENU NAVIGATION