Herodotus, The Histories, book 7, chapter 123

(헤로도토스, The Histories, book 7, chapter 123)

ἡ μέν νυν χώρη αὕτη Σιθωνίη καλέεται, ὁ δὲ ναυτικὸσ στρατὸσ ὁ Ξέρξεω συντάμνων ἀπ’ Ἀμπέλου ἄκρησ ἐπὶ Καναστραίην ἄκρην, τὸ δὴ πάρησ τῆσ Παλλήνησ ἀνέχει μάλιστα, ἐνθεῦτεν νέασ τε καὶ στρατιὴν παρελάμβανε ἐκ Ποτιδαίησ καὶ Ἀφύτιοσ καὶ Νέησ πόλιοσ καὶ Αἰγῆσ καὶ Θεράμβω καὶ Σκιώνησ καὶ Μένδησ καὶ Σάνησ· αὗται γὰρ εἰσὶ αἱ τὴν νῦν Παλλήνην πρότερον δὲ Φλέγρην καλεομένην νεμόμεναι. παραπλέων δὲ καὶ ταύτην τὴν χώρην ἔπλεε ἐσ τὸ προειρημένον, παραλαμβάνων στρατιὴν καὶ ἐκ τῶν προσεχέων πολίων τῇ Παλλήνῃ, ὁμουρεουσέων δὲ τῷ Θερμαίῳ κόλπῳ, τῇσι οὐνόματα ἐστὶ τάδε, Λίπαξοσ Κώμβρεια Αἷσα Γίγωνοσ Κάμψα Σμίλα Αἴνεια·

ἡ δε τουτέων χώρη Κροσσαίη ἔτι καὶ ἐσ τόδε καλέεται. ἀπὸ δὲ Αἰνείησ, ἐσ τὴν ἐτελεύτων καταλέγων τὰσ πόλισ, ἀπὸ ταύτησ ἤδη ἐσ αὐτόν τε τὸν Θερμαῖον κόλπον ἐγίνετο τῷ ναυτικῷ στρατῷ ὁ πλόοσ καὶ γῆν τὴν Μυγδονίην, πλέων δὲ ἀπίκετο ἔσ τε τὴν προειρημένην Θέρμην καὶ Σίνδον τε πόλιν καὶ Χαλέστρην ἐπὶ τὸν Ἄξιον ποταμόν, ὃσ οὐρίζει χώρην τὴν Μυγδονίην τε καὶ Βοττιαιίδα, τῆσ ἔχουσι τὸ παρὰ θάλασσαν στεινὸν χωρίον πόλιεσ Ἴχναι τε καὶ Πέλλα.

상위

The Histories

목록

일치하는 문장이 없습니다.

SEARCH

MENU NAVIGATION