호흡부호 보기
강세부호 보기
장단부호 보기
작은 Iota 보기
모든 부호 보기
ἀπορέοντοσ δὲ βασιλέοσ ὅ τι χρήσηται τῷ παρεόντι πρήγματι, Ἐπιάλτησ ὁ Εὐρυδήμου ἀνὴρ Μηλιεὺσ ἦλθέ οἱ ἐσ λόγουσ· ὃσ μέγα τι παρὰ βασιλέοσ δοκέων οἴσεσθαι ἔφρασέ τε τὴν ἀτραπὸν τὴν διὰ τοῦ ὄρεοσ φέρουσαν ἐσ Θερμοπύλασ, καὶ διέφθειρε τοὺσ ταύτῃ ὑπομείναντασ Ἑλλήνων. ὕστερον δὲ δείσασ Λακεδαιμονίουσ ἔφυγε ἐσ Θεσσαλίην, καί οἱ φυγόντι ὑπὸ τῶν Πυλαγόρων τῶν Ἀμφικτυόνων ἐσ τὴν Πυλαίην συλλεγομένων ἀργύριον ἐπεκηρύχθη.
χρόνῳ δὲ ὕστερον, κατῆλθε γὰρ ἐσ Ἀντικύρην, ἀπέθανε ὑπὸ Ἀθηνάδεω ἀνδρὸσ Τρηχινίου. ὁ δὲ Ἀθηνάδησ οὗτοσ ἀπέκτεινε μὲν Ἐπιάλτεα δι’ ἄλλην αἰτίην, τὴν ἐγὼ ἐν τοῖσι ὄπισθε λόγοισι σημανέω, ἐτιμήθη μέντοι ὑπὸ Λακεδαιμονίων οὐδὲν ἧσσον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기