Herodotus, The Histories, book 7, chapter 184

(헤로도토스, The Histories, book 7, chapter 184)

μέχρι μέν νυν τούτου τοῦ χώρου καὶ Θερμοπυλέων ἀπαθήσ τε κακῶν ἦν ὁ στρατόσ, καὶ πλῆθοσ ἦν τηνικαῦτα ἔτι, ὡσ ἐγὼ συμβαλλόμενοσ εὑρίσκω, τῶν μὲν ἐκ τῶν νεῶν τῶν ἐκ τῆσ Ἀσίησ, ἐουσέων ἑπτὰ καὶ διηκοσιέων καὶ χιλιέων, τὸν μὲν ἀρχαῖον ἑκάστων τῶν ἐθνέων ἐόντα ὅμιλον τέσσερασ καὶ εἴκοσι μυριάδασ καὶ πρὸσ χιλιάδα τε καὶ τετρακοσίουσ, ὡσ ἀνὰ διηκοσίουσ ἄνδρασ λογιζομένοισι ἐν ἑκάστῃ νηί. ἐπεβάτευον δὲ ἐπὶ τουτέων τῶν νεῶν, χωρὶσ ἑκάστων τῶν ἐπιχωρίων ἐπιβατέων, Περσέων τε καὶ Μήδων καὶ Σακέων τριήκοντα ἄνδρεσ.

οὗτοσ ἄλλοσ ὅμιλοσ γίνεται τρισμύριοι καὶ ἑξακισχίλιοι καὶ πρὸσ διηκόσιοί τε καὶ δέκα. προσθήσω δ’ ἔτι τούτῳ καὶ τῷ προτέρῳ ἀριθμῷ τοὺσ ἐκ τῶν πεντηκοντέρων, ποιήσασ, ὅ τι πλέον ἦν αὐτῶν ἢ ἔλασσον, ἀν’ ὀγδώκοντα ἄνδρασ ἐνεῖναι.

συνελέχθη δὲ ταῦτα τὰ πλοῖα, ὡσ καὶ πρότερον εἰρέθη, τρισχίλια. ἤδη ὦν ἄνδρεσ ἂν εἰε͂ν ἐν αὐτοῖσι τέσσερεσ μυριάδεσ καὶ εἴκοσι. τοῦτο μὲν δὴ τό ἐκ τῆσ Ἀσίησ ναυτικὸν ἦν, σύμπαν ἐὸν πεντήκοντα μυριάδεσ καὶ μία, χιλιάδεσ δὲ ἔπεισι ἐπὶ ταύτῃσι ἑπτὰ καὶ πρὸσ ἑκατοντάδεσ ἓξ καὶ δεκάσ.

τοῦ δὲ πεζοῦ ἑβδομήκοντα καὶ ἑκατὸν μυριάδεσ ἐγένοντο, τῶν δὲ ἱππέων ὀκτὼ μυριάδεσ. προσθήσω δ’ ἔτι τούτοισι τὰσ καμήλουσ τοὺσ ἐλαύνοντασ Ἀραβίουσ καὶ τοὺσ τὰ ἁρ́ματα Λίβυασ, πλῆθοσ ποιήσασ δισμυρίουσ ἄνδρασ. καὶ δὴ τό τε ἐκ τῶν νεῶν καὶ τοῦ πεζοῦ πλῆθοσ συντιθέμενον γίνεται διηκόσιαί τε μυριάδεσ καὶ τριήκοντα καὶ μία, καὶ πρὸσ χιλιάδεσ ἑπτὰ καὶ ἑκατοντάδεσ ἓξ καὶ δεκάσ.

τοῦτο μὲν τὸ ἐξ αὐτῆσ τῆσ Ἀσίησ στράτευμα ἐξαναχθὲν εἴρηται, ἄνευ τε τῆσ θεραπηίησ τῆσ ἑπομένησ καὶ τῶν σιταγωγῶν πλοίων καὶ ὅσοι ἐνέπλεον τούτοισι.

상위

The Histories

목록

일치하는 문장이 없습니다.

SEARCH

MENU NAVIGATION