Herodotus, The Histories, book 7, chapter 55

(헤로도토스, The Histories, book 7, chapter 55)

ὡσ δὲ ταῦτά οἱ ἐπεποίητο, διέβαινον κατὰ μὲν τὴν ἑτέρην τῶν γεφυρέων τὴν πρὸσ τοῦ Πόντου ὁ πεζόσ τε καὶ ἡ ἵπποσ ἅπασα, κατὰ δὲ τὴν πρὸσ τὸ Αἰγαῖον τὰ ὑποζύγια καὶ ἡ θεραπηίη. ἡγέοντο δὲ πρῶτα μὲν οἱ μύριοι Πέρσαι, ἐστεφανωμένοι πάντεσ, μετὰ δὲ τούτουσ ὁ σύμμικτοσ στρατὸσ παντοίων ἐθνέων.

ταύτην μὲν τὴν ἡμέρην οὗτοι, τῇ δὲ ὑστεραίῃ πρῶτοι μὲν οἵ τε ἱππόται καὶ οἱ τὰσ λόγχασ κάτω τρέποντεσ· ἐστεφάνωντο δὲ καὶ οὗτοι. μετὰ δὲ οἵ τε ἵπποι οἱ ἱροὶ καὶ τὸ ἁρ́μα τὸ ἱρόν, ἐπὶ δὲ αὐτόσ τε Ξέρξησ καὶ οἱ αἰχμοφόροι καὶ οἱ ἱππόται οἱ χίλιοι, ἐπὶ δὲ τούτοισι ὁ ἄλλοσ στρατόσ.

καὶ αἱ νέεσ ἅμα ἀνήγοντο ἐσ τὴν ἀπεναντίον. ἤδη δὲ ἤκουσα καὶ ὕστατον διαβῆναι βασιλέα πάντων.

상위

The Histories

목록

일치하는 문장이 없습니다.

SEARCH

MENU NAVIGATION