Herodotus, The Histories, book 7, chapter 39

(헤로도토스, The Histories, book 7, chapter 39)

κάρτα τε ἐθυμώθη ὁ Ξέρξησ καὶ ἀμείβετο τοῖσιδε. "ὦ κακὲ ἄνθρωπε, σὺ ἐτόλμησασ, ἐμεῦ στρατευομένου αὐτοῦ ἐπὶ τὴν Ἑλλάδα καὶ ἄγοντοσ παῖδασ ἐμοὺσ καὶ ἀδελφεοὺσ καὶ οἰκηίουσ καὶ φίλουσ, μνήσασθαι περὶ σέο παιδόσ, ἐὼν ἐμὸσ δοῦλοσ, τὸν χρῆν πανοικίῃ αὐτῇ τῇ γυναικὶ συνέπεσθαι ; εὖ νυν τόδ’ ἐξεπίστασο, ὡσ ἐν τοῖσι ὠσὶ τῶν ἀνθρώπων οἰκέει ὁ θυμόσ, ὃσ χρηστὰ μὲν ἀκούσασ τέρψιοσ ἐμπιπλεῖ τὸ σῶμα, ὑπεναντία δὲ τούτοισι ἀκούσασ ἀνοιδέει. ὅτε μέν νυν χρηστὰ ποιήσασ ἕτερα τοιαῦτα ἐπηγγέλλεο, εὐεργεσίῃσι βασιλέα οὐ καυχήσεαι ὑπερβαλέσθαι·

ἐπείτε δὲ ἐσ τὸ ἀναιδέστερον ἐτράπευ, τὴν μὲν ἀξίην οὐ λάμψεαι, ἐλάσσω δὲ τῆσ ἀξίησ. σὲ μὲν γὰρ καὶ τοὺσ τέσσερασ τῶν παίδων ῥύεται τὰ ξείνια· τοῦ δὲ ἑνόσ, τοῦ περιέχεαι μάλιστα, τῇ ψυχῇ ζημιώσεαι. ὡσ δὲ ταῦτα ὑπεκρίνατο, αὐτίκα ἐκέλευε τοῖσι προσετέτακτο ταῦτα πρήσσειν, τῶν Πυθίου παίδων ἐξευρόντασ τὸν πρεσβύτατον μέσον διαταμεῖν, διαταμόντασ δὲ τὰ ἡμίτομα διαθεῖναι τὸ μὲν ἐπὶ δεξιὰ τῆσ ὁδοῦ τὸ δ’ ἐπ’ ἀριστερά, καὶ ταύτῃ διεξιέναι τὸν στρατόν.

상위

The Histories

목록

일치하는 문장이 없습니다.

SEARCH

MENU NAVIGATION