헬라어 문장 검색 - ΗεροδόΤηεΗιστ́7́171́

(헤로도토스, The Histories, book 7, chapter 153)

τὰ μὲν περὶ Ἀργείων εἴρηται· ἐσ δὲ τὴν Σικελίην ἄλλοι τε ἀπίκατο ἄγγελοι ἀπὸ τῶν συμμάχων συμμίξοντεσ Γέλωνι καὶ δὴ καὶ ἀπὸ Λακεδαιμονίων Σύαγροσ. τοῦ δὲ Γέλωνοσ τούτου πρόγονοσ, οἰκήτωρ ὁ ἐν Γέλῃ, ἦν ἐκ νήσου Τήλου τῆσ ἐπὶ Τριοπίῳ κειμένησ· ὃσ κτιζομένησ Γέλησ ὑπὸ Λινδίων τε τῶν ἐκ Ῥόδου καὶ Ἀντιφήμου οὐκ ἐλείφθη. ἀνὰ χρόνον δὲ αὐτοῦ οἱ ἀπόγονοι γενόμενοι ἱροφάνται τῶν χθονίων θεῶν διετέλεον ἐόντεσ, Τηλίνεω ἑνόσ τευ τῶν προγόνων κτησαμένου τρόπῳ τοιῷδε.

ἐσ Μακτώριον πόλιν τὴν ὑπὲρ Γέλησ οἰκημένην ἔφυγον ἄνδρεσ Γελῴων στάσι ἑσσωθέντεσ· τούτουσ ὦν ὁ Τηλίνησ κατήγαγε ἐσ Γέλην, ἔχων οὐδεμίαν ἀνδρῶν δύναμιν ἀλλὰ ἱρὰ τούτων τῶν θεῶν·

ὅθεν δὲ αὐτὰ ἔλαβε ἢ αὐτὸσ ἐκτήσατο, τοῦτο δὲ οὐκ ἔχω εἰπεῖν· τούτοισι δ’ ὦν πίσυνοσ ἐὼν κατήγαγε, ἐπ’ ᾧ τε οἱ ἀπόγονοι αὐτοῦ ἱροφάνται τῶν θεῶν ἔσονται. θῶμά μοι ὦν καὶ τοῦτο γέγονε πρὸσ τὰ πυνθάνομαι, κατεργάσασθαι Τηλίνην ἔργον τοσοῦτον·

τὰ τοιαῦτα γὰρ ἔργα οὐ πρὸσ τοῦ ἅπαντοσ ἀνδρὸσ νενόμικα γίνεσθαι, ἀλλὰ πρὸσ ψυχῆσ τε ἀγαθῆσ καὶ ῥώμησ ἀνδρηίησ· ὁ δὲ λέγεται πρὸσ τῆσ Σικελίησ τῶν οἰκητόρων τὰ ὑπεναντία τούτων πεφυκέναι θηλυδρίησ τε καὶ μαλακώτεροσ ἀνὴρ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 7, chapter 153

(헤로도토스, The Histories, book 7, chapter 153)

상위

목록

SEARCH

MENU NAVIGATION