Herodotus, The Histories, book 7, chapter 173

(헤로도토스, The Histories, book 7, chapter 173)

ταῦτα ἔλεγον οἱ Θεσσαλοί. οἱ δὲ Ἕλληνεσ πρὸσ ταῦτα ἐβουλεύσαντο ἐσ Θεσσαλίην πέμπειν κατὰ θάλασσαν πεζὸν στρατὸν φυλάξοντα τὴν ἐσβολήν. ὡσ δὲ συνελέχθη ὁ στρατόσ, ἔπλεε δι’ Εὐρίπου· ἀπικόμενοσ δὲ τῆσ Ἀχαιίησ ἐσ Ἄλον, ἀποβὰσ ἐπορεύετο ἐσ Θεσσαλίην, τὰσ νέασ αὐτοῦ καταλιπών, καὶ ἀπίκετο ἐσ τὰ Τέμπεα ἐσ τὴν ἐσβολὴν ἥ περ ἀπὸ Μακεδονίησ τῆσ κάτω ἐσ Θεσσαλίην φέρει παρὰ ποταμὸν Πηνειόν, μεταξὺ δὲ Ὀλύμπου τε ὄρεοσ ἐόντα καὶ τῆσ Ὄσσησ. ἐνθαῦτα ἐστρατοπεδεύοντο τῶν Ἑλλήνων κατὰ μυρίουσ ὁπλίτασ συλλεγέντεσ, καί σφι προσῆν ἡ Θεσσαλῶν ἵπποσ·

ἐστρατήγεε δὲ Λακεδαιμονίων μὲν Εὐαίνετοσ ὁ Καρήνου ἐκ τῶν πολεμάρχων ἀραιρημένοσ, γένεοσ μέντοι ἐὼν οὐ τοῦ βασιληίου, Ἀθηναίων δὲ Θεμιστοκλέησ ὁ Νεοκλέοσ. ἔμειναν δὲ ὀλίγασ ἡμέρασ ἐνθαῦτα· ἀπικόμενοι γὰρ ἄγγελοι παρὰ Ἀλεξάνδρου τοῦ Ἀμύντεω ἀνδρὸσ Μακεδόνοσ συνεβούλευόν σφι ἀπαλλάσσεσθαι μηδὲ μένοντασ ἐν τῇ ἐσβολῇ καταπατηθῆναι ὑπὸ τοῦ στρατοῦ τοῦ ἐπιόντοσ, σημαίνοντεσ τὸ πλῆθόσ τε τῆσ στρατιῆσ καὶ τὰσ νέασ.

ὡσ δὲ οὗτοί σφι ταῦτα συνεβούλευον, χρηστὰ γὰρ ἐδόκεον συμβουλεύειν καί σφι εὔνοοσ ἐφαίνετο ἐὼν ὁ Μακεδών, ἐπείθοντο. δοκέειν δὲ μοι, ἀρρωδίη ἦν τὸ πεῖθον, ὡσ ἐπύθοντο καὶ ἄλλην ἐοῦσαν ἐσβολὴν ἐσ Θεσσαλοὺσ κατὰ τὴν ἄνω Μακεδονίην διὰ Περραιβῶν κατὰ Γόννον πόλιν, τῇ περ δὴ καὶ ἐσέβαλε ἡ στρατιὴ ἡ Ξέρξεω.

καταβάντεσ δὲ οἱ Ἕλληνεσ ἐπὶ τὰσ νέασ ὀπίσω ἐπορεύοντο ἐσ τὸν Ἰσθμόν.

상위

The Histories

목록

일치하는 문장이 없습니다.

SEARCH

MENU NAVIGATION