Herodotus, The Histories, book 7, chapter 50

(헤로도토스, The Histories, book 7, chapter 50)

ἀμείβεται Ξέρξησ τοῖσιδε. "Ἀρτάβανε, οἰκότωσ μὲν σύ γε τούτων ἕκαστα διαιρέαι· ἀτὰρ μήτε πάντα φοβέο μήτε πᾶν ὁμοίωσ ἐπιλέγεο. εἰ γὰρ δὴ βούλοιο ἐπὶ τῷ αἰεὶ ἐπεσφερομένῳ πρήγματι τὸ πᾶν ὁμοίωσ ἐπιλέγεσθαι, ποιήσειασ ἂν οὐδαμὰ οὐδέν· κρέσσον δὲ πάντα θαρσέοντα ἥμισυ τῶν δεινῶν πάσχειν μᾶλλον ἢ πᾶν χρῆμα προδειμαίνοντα μηδαμὰ μηδὲν παθεῖν. εἰ δὲ ἐρίξων πρὸσ πᾶν τὸ λεγόμενον μὴ τὸ βέβαιον ἀποδέξεισ, σφάλλεσθαι ὀφείλεισ ἐν αὐτοῖσι ὁμοίωσ καὶ ὁ ὑπεναντία τούτοισι λέξασ.

τοῦτο μέν νυν ἐπ’ ἴσησ ἔχει· εἰδέναι δὲ ἄνθρωπον ἐόντα κῶσ χρὴ τὸ βέβαιον; δοκέω μὲν οὐδαμῶσ. τοῖσι τοίνυν βουλομένοισι ποιέειν ὡσ τὸ ἐπίπαν φιλέει γίνεσθαι τὰ κέρδεα, τοῖσι δὲ ἐπιλεγομένοισί τε πάντα καὶ ὀκνέουσι οὐ μάλα ἐθέλει. ὁρᾷσ τὰ Περσέων πρήγματα ἐσ ὃ δυνάμιοσ προκεχώρηκε.

εἰ τοίνυν ἐκεῖνοι οἱ πρὸ ἐμεῦ γενόμενοι βασιλέεσ γνώμῃσι ἐχρέωντο ὁμοίῃσι καὶ σύ, ἢ μὴ χρεώμενοι γνώμῃσι τοιαύτῃσι ἄλλουσ συμβούλουσ εἶχον τοιούτουσ, οὐκ ἄν κοτε εἶδεσ αὐτὰ ἐσ τοῦτο προελθόντα· νῦν δὲ κινδύνουσ ἀναρριπτέοντεσ ἐσ τοῦτο σφέα προηγάγοντο. μεγάλα γὰρ πρήγματα μεγάλοισι κινδύνοισι ἐθέλει καταιρέεσθαι. ἡμεῖσ τοίνυν ὁμοιεύμενοι ἐκείνοισι ὡρ́ην τε τοῦ ἔτεοσ καλλίστην πορευόμεθα, καὶ καταστρεψάμενοι πᾶσαν τὴν Εὐρώπην νοστήσομεν ὀπίσω, οὔτε λιμῷ ἐντυχόντεσ οὐδαμόθι οὔτε ἄλλο ἄχαρι οὐδὲν παθόντεσ.

τοῦτο μὲν γὰρ αὐτοὶ πολλὴν φορβὴν φερόμενοι πορευόμεθα, τοῦτο δέ, τῶν ἄν κου ἐπιβέωμεν γῆν καὶ ἔθνοσ, τούτων τὸν σῖτον ἕξομεν· ἐπ’ ἀροτῆρασ δὲ καὶ οὐ νομάδασ στρατευόμεθα ἄνδρασ.

상위

The Histories

목록

일치하는 문장이 없습니다.

SEARCH

MENU NAVIGATION