Herodotus, The Histories, book 7, chapter 198

(헤로도토스, The Histories, book 7, chapter 198)

ταῦτα μὲν τὰ ἐν Θεσσαλίῃ καὶ τὰ ἐν Ἀχαιίῃ· ἀπὸ δὲ τούτων τῶν χώρων ἠιέ ἐσ τὴν Μηλίδα παρὰ κόλπον θαλάσσησ, ἐν τῷ ἄμπωτίσ τε καὶ ῥηχίη ἀνὰ πᾶσαν ἡμέρην γίνεται. περὶ δὲ τὸν κόλπον τοῦτον ἐστὶ χῶροσ πεδινόσ, τῇ μὲν εὐρὺσ τῇ δὲ καὶ κάρτα στεινόσ· περὶ δὲ τὸν χῶρον ὄρεα ὑψηλὰ καὶ ἄβατα περικληίει πᾶσαν τὴν Μηλίδα γῆν, Τρηχίνιαι πέτραι καλεόμεναι. πρώτη μέν νυν πόλισ ἐστὶ ἐν τῷ κόλπῳ ἰόντι ἀπὸ Ἀχαιίησ Ἀντικύρη, παρ’ ἣν Σπερχειὸσ ποταμὸσ ῥέων ἐξ Ἐνιήνων ἐσ θάλασσαν ἐκδιδοῖ.

ἀπὸ δὲ τούτου διὰ εἴκοσί κου σταδίων ἄλλοσ ποταμὸσ τῷ οὔνομα κεῖται Δύρασ, τὸν βοηθέοντα τῷ Ἡρακλέι καιομένῳ λόγοσ ἐστὶ ἀναφανῆναι. ἀπὸ δὲ τούτου δι’ ἄλλων εἴκοσι σταδίων ἄλλοσ ποταμόσ ἐστι ὃσ καλέεται Μέλασ.

상위

The Histories

목록

일치하는 문장이 없습니다.

SEARCH

MENU NAVIGATION