Herodotus, The Histories, book 7, chapter 236

(헤로도토스, The Histories, book 7, chapter 236)

λέγει μετὰ τοῦτον Ἀχαιμένησ, ἀδελφεόσ τε ἐὼν Ξέρξεω καὶ τοῦ ναυτικοῦ στρατοῦ στρατηγόσ, παρατυχών τε τῷ λόγῳ καὶ δείσασ μὴ ἀναγνωσθῇ Ξέρξησ ποιέειν ταῦτα, "ὦ βασιλεῦ, ὁρῶ σε ἀνδρὸσ ἐνδεκόμενον λόγουσ ὃσ φθονέει τοι εὖ πρήσσοντι ἢ καὶ προδιδοῖ πρήγματα τὰ σά. καὶ γὰρ δὴ καὶ τρόποισι τοιούτοισι χρεώμενοι Ἕλληνεσ χαίρουσι· τοῦ τε εὐτυχέειν φθονέουσι καὶ τὸ κρέσσον στυγέουσι. εἰ δ’ ἐπὶ τῇσι παρεούσῃσι τύχῃσι, τῶν νέεσ νεναυηγήκασι τετρακόσιαι, ἄλλασ ἐκ τοῦ στρατοπέδου τριηκοσίασ ἀποπέμψεισ περιπλέειν Πελοπόννησον, ἀξιόμαχοί τοι γίνονται οἱ ἀντίπαλοι·

ἁλὴσ δὲ ἐὼν ὁ ναυτικὸσ στρατὸσ δυσμεταχείριστόσ τε αὐτοῖσι γίνεται, καὶ ἀρχὴν οὐκ ἀξιόμαχοί τοι ἔσονται, καὶ πᾶσ ὁ ναυτικὸσ τῷ πεζῷ ἀρήξει καὶ ὁ πεζὸσ τῷ ναυτικῷ ὁμοῦ πορευόμενοσ· εἰ δὲ διασπάσεισ, οὔτε σὺ ἔσεαι ἐκείνοισι χρήσιμοσ οὔτε ἐκεῖνοι σοί. τὰ σεωτοῦ δὲ τιθέμενον εὖ γνώμην ἔχω τὰ τῶν ἀντιπολέμων μὴ ἐπιλέγεσθαι πρήγματα, τῇ τε στήσονται τὸν πόλεμον τά τε ποιήσουσι ὅσοι τε πλῆθοσ εἰσί.

ἱκανοὶ γὰρ ἐκεῖνοί γε αὐτοὶ ἑωυτῶν πέρι φροντίζειν εἰσί, ἡμεῖσ δὲ ἡμέων ὡσαύτωσ. Λακεδαιμόνιοι δὲ ἢν ἰώσι ἀντία Πέρσῃσι ἐσ μάχην, οὐδὲν τὸ παρεὸν τρῶμα ἀκεῦνται.

상위

The Histories

목록

일치하는 문장이 없습니다.

SEARCH

MENU NAVIGATION