Herodotus, The Histories, book 7, chapter 141

(헤로도토스, The Histories, book 7, chapter 141)

ταῦτα ἀκούσαντεσ οἱ τῶν Ἀθηναίων θεοπρόποι συμφορῇ τῇ μεγίστῃ ἐχρέωντο. προβάλλουσι δὲ σφέασ αὐτοὺσ ὑπὸ τοῦ κακοῦ τοῦ κεχρησμένου, Τίμων ὁ Ἀνδροβούλου, τῶν Δελφῶν ἀνὴρ δόκιμοσ ὅμοια τῷ μάλιστα, συνεβούλευέ σφι ἱκετηρίην λαβοῦσι δεύτερα αὖτισ ἐλθόντασ χρᾶσθαι τῷ χρηστηρίῳ ὡσ ἱκέτασ. πειθομένοισι δὲ ταῦτα τοῖσι Ἀθηναίοισι καὶ λέγουσι "ὦναξ, χρῆσον ἡμῖν ἄμεινόν τι περὶ τῆσ πατρίδοσ, αἰδεσθεὶσ τὰσ ἱκετηρίασ τάσδε τάσ τοι ἥκομεν φέροντεσ, ἢ οὔ τοι ἄπιμεν ἐκ τοῦ ἀδύτου, ἀλλ’ αὐτοῦ τῇδε μενέομεν ἔστ’ ἂν καὶ τελευτήσωμεν," ταῦτα δὲ λέγουσι ἡ πρόμαντισ χρᾷ δεύτερα τάδε.

οὐ δύναται Παλλὰσ Δί’ Ὀλύμπιον ἐξιλάσασθαι λισσομένη πολλοῖσι λόγοισ καὶ μήτιδι πυκνῇ.

σοὶ δὲ τόδ’ αὖτισ ἔποσ ἐρέω ἀδάμαντι πελάσσασ. τῶν ἄλλων γὰρ ἁλισκομένων ὅσα Κέκροποσ οὖροσ ἐντὸσ ἔχει κευθμών τε Κιθαιρῶνοσ ζαθέοιο, τεῖχοσ Τριτογενεῖ ξύλινον διδοῖ εὐρύοπα Ζεύσ μοῦνον ἀπόρθητον τελέθειν, τὸ σὲ τέκνα τ’ ὀνήσει. μηδὲ σύ γ’ ἱπποσύνην τε μένειν καὶ πεζὸν ἰόντα πολλὸν ἀπ’ ἠπείρου στρατὸν ἥσυχοσ, ἀλλ’ ὑποχωρεῖν νῶτον ἐπιστρέψασ·

ἔτι τοι ποτε κἀντίοσ ἔσσῃ. ὦ θείη Σαλαμίσ, ἀπολεῖσ δὲ σὺ τέκνα γυναικῶν ἤ που σκιδναμένησ Δημήτεροσ ἢ συνιούσησ.

상위

The Histories

목록

일치하는 문장이 없습니다.

SEARCH

MENU NAVIGATION