Herodotus, The Histories, book 7, chapter 119

(헤로도토스, The Histories, book 7, chapter 119)

ὣσ δὲ παραπλησίωσ καὶ ἐν τῇσι ἄλλῃσι πόλισι οἱ ἐπεστεῶτεσ ἀπεδείκνυσαν τὸν λόγον. τὸ γὰρ δεῖπνον τοιόνδε τι ἐγίνετο, οἱᾶ ἐκ πολλοῦ χρόνου προειρημένον καὶ περὶ πολλοῦ ποιευμένων· τοῦτο μέν, ὡσ ἐπύθοντο τάχιστα τῶν κηρύκων τῶν περιαγγελλόντων, δασάμενοι σῖτον ἐν τῇσι πόλισι οἱ ἀστοὶ ἄλευρά τε καὶ ἄλφιτα ἐποίευν πάντεσ ἐπὶ μῆνασ συχνούσ·

τοῦτο δὲ κτήνεα ἐσίτευον ἐξευρίσκοντεσ τιμῆσ τὰ κάλλιστα, ἔτρεφόν τε ὄρνιθασ χερσαίουσ καὶ λιμναίουσ ἔν τε οἰκήμασι καὶ λάκκοισι, ἐσ ὑποδοχὰσ τοῦ στρατοῦ· τοῦτο δὲ χρύσεά τε καὶ ἀργύρεα ποτήριά τε καὶ κρητῆρασ ἐποιεῦντο καὶ τἆλλα ὅσα ἐπὶ τράπεζαν τιθέαται πάντα. ταῦτα μὲν αὐτῷ τε βασιλέι καὶ τοῖσι ὁμοσίτοισι μετ’ ἐκείνου ἐπεποίητο, τῇ δὲ ἄλλῃ στρατιῇ τὰ ἐσ φορβὴν μοῦνα τασσόμενα.

ὅκωσ δὲ ἀπίκοιτο ἡ στρατιή, σκηνὴ μὲν ἔσκε πεπηγυῖα ἑτοίμη ἐσ τὴν αὐτὸσ σταθμὸν ποιεέσκετο Ξέρξησ, ἡ δὲ ἄλλη στρατιὴ ἔσκε ὑπαίθριοσ. ὡσ δὲ δείπνου ἐγίνετο ὡρ́η, οἱ μὲν δεκόμενοι ἔχεσκον πόνον, οἳ δὲ ὅκωσ πλησθέντεσ νύκτα αὐτοῦ ἀγάγοιεν, τῇ ὑστεραίῃ τήν τε σκηνὴν ἀνασπάσαντεσ καὶ τὰ ἔπιπλα πάντα λαβόντεσ οὕτω ἀπελαύνεσκον, λείποντεσ οὐδὲν ἀλλὰ φερόμενοι.

상위

The Histories

목록

일치하는 문장이 없습니다.

SEARCH

MENU NAVIGATION