Herodotus, The Histories, book 7, chapter 9B

(헤로도토스, The Histories, book 7, chapter 9B)

καίτοι γε ἐώθασι Ἕλληνεσ, ὡσ πυνθάνομαι, ἀβουλότατα πολέμουσ ἵστασθαι ὑπό τε ἀγνωμοσύνησ καὶ σκαιότητοσ. ἐπεὰν γὰρ ἀλλήλοισι πόλεμον προείπωσι, ἐξευρόντεσ τὸ κάλλιστον χωρίον καὶ λειότατον, ἐσ τοῦτο κατιόντεσ μάχονται, ὥστε σὺν κακῷ μεγάλῳ οἱ νικῶντεσ ἀπαλλάσσονται· περὶ δὲ τῶν ἑσσουμένων οὐδὲ λέγω ἀρχήν· ἐξώλεεσ γὰρ δὴ γίνονται· τοὺσ χρῆν ἐόντασ ὁμογλώσσουσ κήρυξί τε διαχρεωμένουσ καὶ ἀγγέλοισι καταλαμβάνειν τὰσ διαφορὰσ καὶ παντὶ μᾶλλον ἢ μάχῃσι·

εἰ δὲ πάντωσ ἔδεε πολεμέειν πρὸσ ἀλλήλουσ, ἐξευρίσκειν χρῆν τῇ ἑκάτεροι εἰσὶ δυσχειρωτότατοι καὶ ταύτῃ πειρᾶν. τρόπῳ τοίνυν οὐ χρηστῷ Ἕλληνεσ διαχρεώμενοι, ἐμέο ἐλάσαντοσ μέχρι Μακεδονίησ γῆσ, οὐκ ἦλθον ἐσ τούτου λόγον ὥστε μάχεσθαι.

상위

The Histories

목록

일치하는 문장이 없습니다.

SEARCH

MENU NAVIGATION