헬라어 문장 검색 - ΗεροδόΤηεΗιστ́7́176́

(헤로도토스, The Histories, book 7, chapter 158)

οἳ μὲν ταῦτα ἔλεγον, Γέλων δὲ πολλὸσ ἐνέκειτο λέγων τοιάδε. "ἄνδρεσ Ἕλληνεσ, λόγον ἔχοντεσ πλεονέκτην ἐτολμήσατε ἐμὲ σύμμαχον ἐπὶ τὸν βάρβαρον παρακαλέοντεσ ἐλθεῖν· αὐτοὶ δὲ ἐμεῦ πρότερον δεηθέντοσ βαρβαρικοῦ στρατοῦ συνεπάψασθαι, ὅτε μοι πρὸσ Καρχηδονίουσ νεῖκοσ συνῆπτο, ἐπισκήπτοντόσ τε τὸν Δωριέοσ τοῦ Ἀναξανδρίδεω πρὸσ Ἐγεσταίων φόνον ἐκπρήξασθαι, ὑποτείνοντόσ τε τὰ ἐμπόρια συνελευθεροῦν ἀπ’ ὧν ὑμῖν μεγάλαι ὠφελίαι τε καὶ ἐπαυρέσιεσ γεγόνασι, οὔτε ἐμεῦ εἵνεκα ἤλθετε βοηθήσοντεσ οὔτε τὸν Δωριέοσ φόνον ἐκπρηξόμενοι, τό τε κατ’ ὑμέασ τάδε ἅπαντα ὑπὸ βαρβάροισι νέμεται.

ἀλλὰ εὖ γὰρ ἡμῖν καὶ ἐπὶ τὸ ἄμεινον κατέστη.

νῦν δὲ ἐπειδὴ περιελήλυθε ὁ πόλεμοσ καὶ ἀπῖκται ἐσ ὑμέασ, οὕτω δὴ Γέλωνοσ μνῆστισ γέγονε. ἀτιμίησ δὲ πρὸσ ὑμέων κυρήσασ οὐκ ὁμοιώσομαι ὑμῖν, ἀλλ’ ἕτοιμοσ εἰμὶ βοηθέειν παρεχόμενοσ διηκοσίασ τε τριήρεασ καὶ δισμυρίουσ ὁπλίτασ καὶ δισχιλίην ἵππον καὶ δισχιλίουσ τοξότασ καὶ δισχιλίουσ σφενδονήτασ καὶ δισχιλίουσ ἱπποδρόμουσ ψιλούσ·

σῖτόν τε ἁπάσῃ τῇ Ἑλλήνων στρατιῇ, ἔστ’ ἂν διαπολεμήσωμεν, ὑποδέκομαι παρέξειν. ἐπὶ δὲ λόγῳ τοιῷδε τάδε ὑπίσχομαι, ἐπ’ ᾧ στρατηγόσ τε καὶ ἡγεμὼν τῶν Ἑλλήνων ἔσομαι πρὸσ τὸν βάρβαρον.

ἐπ’ ἄλλῳ δὲ λόγῳ οὔτ’ ἂν αὐτὸσ ἔλθοιμι οὔτ’ ἂν ἄλλουσ πέμψαιμι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 7, chapter 158

(헤로도토스, The Histories, book 7, chapter 158)

상위

목록

SEARCH

MENU NAVIGATION