호흡부호 보기
강세부호 보기
장단부호 보기
작은 Iota 보기
모든 부호 보기
λέγεται δὲ καὶ ὡσ αὐτόσ σφεασ ἀπέπεμψε Λεωνίδησ, μὴ ἀπόλωνται κηδόμενοσ· αὐτῷ δὲ καὶ Σπαρτιητέων τοῖσι παρεοῦσι οὐκ ἔχειν εὐπρεπέωσ ἐκλιπεῖν τὴν τάξιν ἐσ τὴν ἦλθον φυλάξοντεσ ἀρχήν. ταύτῃ καὶ μᾶλλον τὴν γνώμην πλεῖστοσ εἰμί, Λεωνίδην, ἐπείτε ᾔσθετο τοὺσ συμμάχουσ ἐόντασ ἀπροθύμουσ καὶ οὐκ ἐθέλοντασ συνδιακινδυνεύειν, κελεῦσαι σφέασ ἀπαλλάσσεσθαι, αὐτῷ δὲ ἀπιέναι οὐ καλῶσ ἔχειν·
μένοντι δὲ αὐτοῦ κλέοσ μέγα ἐλείπετο, καὶ ἡ Σπάρτησ εὐδαιμονίη οὐκ ἐξηλείφετο. ἐκέχρηστο γὰρ ὑπὸ τῆσ Πυθίησ τοῖσι Σπαρτιήτῃσι χρεωμένοισι περὶ τοῦ πολέμου τούτου αὐτίκα κατ’ ἀρχὰσ ἐγειρομένου, ἢ Λακεδαίμονα ἀνάστατον γενέσθαι ὑπὸ τῶν βαρβάρων ἢ τὴν βασιλέα σφέων ἀπολέσθαι.
ταῦτα δέ σφι ἐν ἔπεσι ἑξαμέτροισι χρᾷ λέγοντα ὧδε. ὑμῖν δ’, ὦ Σπάρτησ οἰκήτορεσ εὐρυχόροιο, ἢ μέγα ἄστυ ἐρικυδὲσ ὑπ’ ἀνδράσι Περσεί̈δῃσι πέρθεται, ἢ τὸ μὲν οὐχί, ἀφ’ Ἡρακλέουσ δὲ γενέθλησ πενθήσει βασιλῆ φθίμενον Λακεδαίμονοσ οὖροσ.
οὐ γὰρ τὸν ταύρων σχήσει μένοσ οὐδὲ λεόντων ἀντιβίην· Ζηνὸσ γὰρ ἔχει μένοσ· οὐδέ ἑ φημί σχήσεσθαι, πρὶν τῶνδ’ ἕτερον διὰ πάντα δάσηται. ταῦτά τε δὴ ἐπιλεγόμενον Λεωνίδην, καὶ βουλόμενον κλέοσ καταθέσθαι μούνωνΣπαρτιητέων, ἀποπέμψαι τοὺσ συμμάχουσ μᾶλλον ἢ γνώμῃ διενειχθέντασ οὕτω ἀκόσμωσ οἴχεσθαι τοὺσ οἰχομένουσ.
호흡부호 보기
강세부호 보기
장단부호 보기
작은 Iota 보기
모든 부호 보기