호흡부호 보기
강세부호 보기
장단부호 보기
작은 Iota 보기
모든 부호 보기
οὗτοι ἦσαν στρατηγοὶ τοῦ σύμπαντοσ πεζοῦ χωρὶσ τῶν μυρίων· τῶν δὲ μυρίων τούτων Περσέων τῶν ἀπολελεγμένων ἐστρατήγεε μὲν Ὑδάρνησ ὁ Ὑδάρνεοσ, ἐκαλέοντο δὲ ἀθάνατοι οἱ Πέρσαι οὗτοι ἐπὶ τοῦδε· εἴ τισ αὐτῶν ἐξέλιπε τὸν ἀριθμὸν ἢ θανάτῳ βιηθεὶσ ἢ νούσῳ, ἄλλοσ ἀνὴρ ἀραίρητο, καὶ ἐγίνοντο οὐδαμὰ οὔτε πλεῦνεσ μυρίων οὔτε ἐλάσσονεσ. κόσμον δὲ πλεῖστον παρείχοντο διὰ πάντων Πέρσαι, καὶ αὐτοὶ ἄριστοι ἦσαν·
σκευὴν μὲν τοιαύτην εἶχον ἥ περ εἴρηται, χωρὶσ δὲ χρυσόν τε πολλὸν καὶ ἄφθονον ἔχοντεσ ἐνέπρεπον, ἁρμαμάξασ τε ἅμα ἤγοντο, ἐν δὲ παλλακὰσ καὶ θεραπηίην πολλήν τε καὶ εὖ ἐσκευασμένην· σῖτα δέ σφι, χωρὶσ τῶν ἄλλων στρατιωτέων, κάμηλοί τε καὶ ὑποζύγια ἦγον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기