Herodotus, The Histories, book 7, chapter 10A

(헤로도토스, The Histories, book 7, chapter 10A)

"ὦ βασιλεῦ, μὴ λεχθεισέων μὲν γνωμέων ἀντιέων ἀλλήλῃσι οὐκ ἔστι τὴν ἀμείνω αἱρεόμενον ἑλέσθαι, ἀλλὰ δεῖ τῇ εἰρημένῃ χρᾶσθαι, λεχθεισέων δὲ ἔστι, ὥσπερ τὸν χρυσὸν τὸν ἀκήρατον αὐτὸν μὲν ἐπ’ ἑωυτοῦ οὐ διαγινώσκομεν, ἐπεὰν δὲ παρατρίψωμεν ἄλλῳ χρυσῷ, διαγινώσκομεν τὸν ἀμείνω. ἐγὼ δὲ καὶ πατρὶ τῷ σῷ, ἀδελφεῷ δὲ ἐμῷ Δαρείῳ ἠγόρευον μὴ στρατεύεσθαι ἐπὶ Σκύθασ, ἄνδρασ οὐδαμόθι γῆσ ἄστυ νέμοντασ.

ὁ δὲ ἐλπίζων Σκύθασ τοὺσ νομάδασ καταστρέψεσθαι ἐμοί τε οὐκ ἐπείθετο, στρατευσάμενόσ τε πολλοὺσ καὶ ἀγαθοὺσ τῆσ στρατιῆσ ἀποβαλὼν ἀπῆλθε. σὺ δὲ ὦ βασιλεῦ μέλλεισ ἐπ’ ἄνδρασ στρατεύεσθαι πολλὸν ἀμείνονασ ἢ Σκύθασ, οἳ κατὰ θάλασσάν τε ἄριστοι καὶ κατὰ γῆν λέγονται εἶναι.

τὸ δὲ αὐτοῖσι ἔνεστι δεινόν, ἐμὲ σοὶ δίκαιον ἐστὶ φράζειν.

상위

The Histories

목록

일치하는 문장이 없습니다.

SEARCH

MENU NAVIGATION