헬라어 문장 검색 - ΗεροδόΤηεΗιστ́7́054́

(헤로도토스, The Histories, book 7, chapter 36)

καὶ οἳ μὲν ταῦτα ἐποίεον, τοῖσι προσέκειτο αὕτη ἡ ἄχαρισ τιμή, τὰσ δὲ ἄλλοι ἀρχιτέκτονεσ ἐζεύγνυσαν. ἐζεύγνυσαν δὲ ὧδε, πεντηκοντέρουσ καὶ τριήρεασ συνθέντεσ, ὑπὸ μὲν τὴν πρὸσ τοῦ Εὐξείνου πόντου ἑξήκοντά τε καὶ τριηκοσίασ, ὑπὸ δὲ τὴν ἑτέρην τεσσερεσκαίδεκα καὶ τριηκοσίασ, τοῦ μὲν Πόντου ἐπικαρσίασ τοῦ δὲ Ἑλλησπόντου κατὰ ῥόον, ἵνα ἀνακωχεύῃ τὸν τόνον τῶν ὅπλων· συνθέντεσ δὲ ἀγκύρασ κατῆκαν περιμήκεασ, τὰσ μὲν πρὸσ τοῦ Πόντου τῆσ ἑτέρησ τῶν ἀνέμων εἵνεκεν τῶν ἔσωθεν ἐκπνεόντων, τῆσ δὲ ἑτέρησ πρὸσ ἑσπέρησ τε καὶ τοῦ Αἰγαίου ζεφύρου τε καὶ νότου εἵνεκα.

διέκπλοον δὲ ὑπόφαυσιν κατέλιπον τῶν πεντηκοντέρων καὶ τριηρέων, ἵνα καὶ ἐσ τὸν Πόντον ἔχῃ ὁ βουλόμενοσ πλέειν πλοίοισι λεπτοῖσι καὶ ἐκ τοῦ Πόντου ἔξω. ταῦτα δὲ ποιήσαντεσ κατέτεινον ἐκ γῆσ στρεβλοῦντεσ ὄνοισι ξυλίνοισι τὰ ὅπλα, οὐκέτι χωρὶσ ἑκάτερα τάξαντεσ, ἀλλὰ δύο μὲν λευκολίνου δασάμενοι ἐσ ἑκατέρην, τέσσερα δὲ τῶν βυβλίνων.

παχύτησ μὲν ἦν ἡ αὐτὴ καὶ καλλονή, κατὰ λόγον δὲ ἐμβριθέστερα ἦν τὰ λίνεα, τοῦ τάλαντον ὁ πῆχυσ εἷλκε. ἐπειδὴ δὲ ἐγεφυρώθη ὁ πόροσ, κορμοὺσ ξύλων καταπρίσαντεσ καὶ ποιήσαντεσ ἴσουσ τῆσ σχεδίησ τῷ εὔρεϊ κόσμῳ ἐτίθεσαν κατύπερθε τῶν ὅπλων τοῦ τόνου, θέντεσ δὲ ἐπεξῆσ ἐνθαῦτα αὖτισ ἐπεζεύγνυον·

ποιήσαντεσ δὲ ταῦτα ὕλην ἐπεφόρησαν, κόσμῳ δὲ θέντεσ καὶ τὴν ὕλην γῆν ἐπεφόρησαν, κατανάξαντεσ δὲ καὶ τὴν γῆν φραγμὸν παρείρυσαν ἔνθεν καὶ ἔνθεν, ἵνα μὴ φοβέηται τὰ ὑποζύγια τὴν θάλασσαν ὑπερορῶντα καὶ οἱ ἵπποι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 7, chapter 36

(헤로도토스, The Histories, book 7, chapter 36)

상위

목록

SEARCH

MENU NAVIGATION