헬라어 문장 검색 - ΗεροδόΤηεΗιστ́7́172́

(헤로도토스, The Histories, book 7, chapter 154)

οὗτοσ μέν νυν ἐκτήσατο τοῦτο τὸ γέρασ· Κλεάνδρου δὲ τοῦ Παντάρεοσ τελευτήσαντοσ τὸν βίον, ὃσ ἐτυράννευσε μὲν Γέλησ ἑπτὰ ἔτεα, ἀπέθανε δὲ ὑπὸ Σαβύλλου ἀνδρὸσ Γελῴου, ἐνθαῦτα ἀναλαμβάνει τὴν μουναρχίην Ἱπποκράτησ Κλεάνδρου ἐὼν ἀδελφεόσ. ἔχοντοσ δὲ Ἱπποκράτεοσ τὴν τυραννίδα, ὁ Γέλων ἐὼν Τηλίνεω τοῦ ἱροφάντεω ἀπόγονοσ, πολλῶν μετ’ ἄλλων καὶ Αἰνησιδήμου τοῦ Παταίκου. . . ὃσ ἦν δορυφόροσ Ἱπποκράτεοσ. μετὰ δὲ οὐ πολλὸν χρόνον δι’ ἀρετὴν ἀπεδέχθη πάσησ τῆσ ἵππου εἶναι ἵππαρχοσ·

πολιορκέοντοσ γὰρ Ἱπποκράτεοσ Καλλιπολίτασ τε καὶ Ναξίουσ καὶ Ζαγκλαίουσ τε καὶ Λεοντίνουσ καὶ πρὸσ Συρηκοσίουσ τε καὶ τῶν βαρβάρων συχνούσ, ἀνὴρ ἐφαίνετο ἐν τούτοισι τοῖσι πολέμοισι ἐὼν ὁ Γέλων λαμπρότατοσ. τῶν δὲ εἶπον πολίων τουτέων πλὴν Συρηκουσέων οὐδεμία διέφυγε δουλοσύνην πρὸσ Ἱπποκράτεοσ· Συρηκοσίουσ δὲ Κορίνθιοί τε καὶ Κερκυραῖοι ἐρρύσαντο μάχῃ ἐσσωθέντασ ἐπὶ ποταμῷ Ἐλώρῳ, ἐρρύσαντο δὲ οὗτοι ἐπὶ τοῖσιδε καταλλάξαντεσ, ἐπ’ ᾧ τε Ἱπποκράτεϊ Καμάριναν Συρηκοσίουσ παραδοῦναι.

Συρηκοσίων δὲ ἦν Καμάρινα τὸ ἀρχαῖον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 7, chapter 154

(헤로도토스, The Histories, book 7, chapter 154)

상위

목록

SEARCH

MENU NAVIGATION