헬라어 문장 검색 - ΗεροδόΤηεΗιστ́7́155́

(헤로도토스, The Histories, book 7, chapter 137)

οὕτω ἡ Ταλθυβίου μῆνισ καὶ ταῦτα ποιησάντων Σπαρτιητέων ἐπαύσατο τὸ παραυτίκα, καίπερ ἀπονοστησάντων ἐσ Σπάρτην Σπερθίεώ τε καὶ Βούλιοσ. χρόνῳ δὲ μετέπειτα πολλῷ ἐπηγέρθη κατὰ τὸν Πελοποννησίων καὶ Ἀθηναίων πόλεμον, ὡσ λέγουσι Λακεδαιμόνιοι. τοῦτο μοι ἐν τοῖσι θειότατον φαίνεται γενέσθαι. ὅτι μὲν γὰρ κατέσκηψε ἐσ ἀγγέλουσ ἡ Ταλθυβίου μῆνισ οὐδὲ ἐπαύσατο πρὶν ἢ ἐξῆλθε, τὸ δίκαιον οὕτω ἔφερε·

τὸ δὲ συμπεσεῖν ἐσ τοὺσ παῖδασ τῶν ἀνδρῶν τούτων τῶν ἀναβάντων πρὸσ βασιλέα διὰ τὴν μῆνιν, ἐσ Νικόλαν τε τὸν Βούλιοσ καὶ ἐσ Ἀνήριστον τὸν Σπερθίεω, ὃσ εἷλε Ἁλιέασ τοὺσ ἐκ Τίρυνθοσ ὁλκάδι καταπλώσασ πλήρεϊ ἀνδρῶν, δῆλον ὦν μοι ὅτι θεῖον ἐγένετο τὸ πρῆγμα ἐκ τῆσ μήνιοσ· οἳ γὰρ πεμφθέντεσ ὑπὸ Λακεδαιμονίων ἄγγελοι ἐσ τὴν Ἀσίην, προδοθέντεσ δὲ ὑπὸ Σιτάλκεω τοῦ Τήρεω Θρηίκων βασιλέοσ καὶ Νυμφοδώρου τοῦ Πύθεω ἀνδρὸσ Ἀβδηρίτεω, ἥλωσαν κατὰ Βισάνθην τὴν ἐν Ἑλλησπόντῳ, καὶ ἀπαχθέντεσ ἐσ τὴν Ἀττικὴν ἀπέθανον ὑπὸ Ἀθηναίων, μετὰ δὲ αὐτῶν καὶ Ἀριστέασ ὁ Ἀδειμάντου Κορίνθιοσ ἀνήρ.

ταῦτα μέν νυν πολλοῖσι ἔτεσι ὕστερον ἐγένετο τοῦ βασιλέοσ στόλου, ἐπάνειμι δὲ ἐπὶ τὸν πρότερον λόγον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 7, chapter 137

(헤로도토스, The Histories, book 7, chapter 137)

상위

목록

SEARCH

MENU NAVIGATION