Herodotus, The Histories, book 7, chapter 187

(헤로도토스, The Histories, book 7, chapter 187)

οὗτοσ μὲν δὴ τοῦ συνάπαντοσ τοῦ Ξέρξεω στρατεύματοσ ἀριθμόσ, γυναικῶν δὲ σιτοποιῶν καὶ παλλακέων καὶ εὐνούχων οὐδεὶσ ἂν εἴποι ἀτρεκέα ἀριθμόν· οὐδ’ αὖ ὑποζυγίων τε καὶ τῶν ἄλλων κτηνέων τῶν ἀχθοφόρων καὶ κυνῶν Ἰνδικῶν τῶν ἑπομένων, οὐδ’ ἂν τούτων ὑπὸ πλήθεοσ οὐδεὶσ ἂν εἴποι ἀριθμόν. ὥστε οὐδέν μοι θῶμα παρίσταται προδοῦναι τὰ ῥέεθρα τῶν ποταμῶν ἔστι ὧν, ἀλλὰ μᾶλλον ὅκωσ τὰ σιτία ἀντέχρησε θῶμά μοι μυριάσι τοσαύτῃσι. εὑρίσκω γὰρ συμβαλλόμενοσ, εἰ χοίνικα πυρῶν ἕκαστοσ τῆσ ἡμέρησ ἐλάμβανε καὶ μηδὲν πλέον, ἕνδεκα μυριάδασ μεδίμνων τελεομένασ ἐπ’ ἡμέρῃ ἑκάστῃ καὶ πρὸσ τριηκοσίουσ τε ἄλλουσ μεδίμνουσ καὶ τεσσεράκοντα·

γυναιξὶ δὲ καὶ εὐνούχοισι καὶ ὑποζυγίοισι καὶ κυσὶ οὐ λογίζομαι. ἀνδρῶν δὲ ἐουσέων τοσουτέων μυριάδων, κάλλεόσ τε εἵνεκα καὶ μεγάθεοσ οὐδεὶσ αὐτῶν ἀξιονικότεροσ ἦν αὐτοῦ Ξέρξεω ἔχειν τοῦτο τὸ κράτοσ.

상위

The Histories

목록

일치하는 문장이 없습니다.

SEARCH

MENU NAVIGATION