호흡부호 보기
강세부호 보기
장단부호 보기
작은 Iota 보기
모든 부호 보기
ὡσ δὲ ἀπὸ τοῦ Στρυμόνοσ ἐπορεύετο ὁ στρατόσ, ἐνθαῦτα πρὸσ ἡλίου δυσμέων ἐστὶ αἰγιαλὸσ ἐν τῷ οἰκημένην Ἄργιλον πόλιν Ἑλλάδα παρεξήιε· αὕτη δὲ καὶ ἡ κατύπερθε ταύτησ καλέεται Βισαλτίη. ἐνθεῦτεν δὲ κόλπον τὸν ἐπὶ Ποσιδηίου ἐξ ἀριστερῆσ χειρὸσ ἔχων ἠιέ διὰ Συλέοσ πεδίου καλεομένου, Στάγειρον πόλιν Ἑλλάδα παραμειβόμενοσ, καὶ ἀπίκετο ἐσ Ἄκανθον, ἅμα ἀγόμενοσ τούτων ἕκαστον τῶν ἐθνέων καὶ τῶν περὶ τὸ Πάγγαιον ὄροσ οἰκεόντων, ὁμοίωσ καὶ τῶν πρότερον κατέλεξα, τοὺσ μὲν παρὰ θάλασσαν ἔχων οἰκημένουσ ἐκ νηυσὶ στρατευομένουσ, τοὺσ δ’ ὑπὲρ θαλάσσησ πεζῇ ἑπομένουσ.
τὴν δὲ ὁδὸν ταύτην, τῇ βασιλεὺσ Ξέρξησ τὸν στρατὸν ἤλασε, οὔτε συγχέουσι Θρήικεσ οὔτ’ ἐπισπείρουσι σέβονταί τε μεγάλωσ τὸ μέχρι ἐμεῦ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기