호흡부호 보기
강세부호 보기
장단부호 보기
작은 Iota 보기
모든 부호 보기
ἡ δὲ Αἰγιναίη, τῆσ ἐτριηράρχεε Ἀσωνίδησ, καὶ τινά σφι θόρυβον παρέσχε, Πυθέω τοῦ Ἰσχενόου ἐπιβατεύοντοσ, ἀνδρὸσ ἀρίστου γενομένου ταύτην τὴν ἡμέρην· ὃσ ἐπειδὴ ἡ νηῦσ ἡλίσκετο ἐσ τοῦτο ἀντεῖχε μαχόμενοσ ἐσ ὃ κατεκρεουργήθη ἅπασ. ὡσ δὲ πεσὼν οὐκ ἀπέθανε ἀλλ’ ἦν ἔμπνοοσ, οἱ Πέρσαι, οἵ περ ἐπεβάτευον ἐπὶ τῶν νεῶν, δι’ ἀρετὴν τὴν ἐκείνου περιποιῆσαί μιν περὶ πλείστου ἐποιήσαντο, σμύρνῃσί τε ἰώμενοι τὰ ἕλκεα καὶ σινδόνοσ βυσσίνησ τελαμῶσι κατειλίσσοντεσ·
καί μιν, ὡσ ὀπίσω ἀπίκοντο ἐσ τὸ ἑωυτῶν στρατόπεδον, ἐπεδείκνυσαν ἐκπαγλεόμενοι πάσῃ τῇ στρατιῇ περιέποντεσ εὖ.
τοὺσ δὲ ἄλλουσ τοὺσ ἔλαβον ἐν τῇ νηὶ ταύτῃ περιεῖπον ὡσ ἀνδράποδα.
호흡부호 보기
강세부호 보기
장단부호 보기
작은 Iota 보기
모든 부호 보기