Herodotus, The Histories, book 7, chapter 11

(헤로도토스, The Histories, book 7, chapter 11)

Ἀρτάβανοσ μὲν ταῦτα ἔλεξε, Ξέρξησ δὲ θυμωθεὶσ ἀμείβεται τοῖσιδε. "Ἀρτάβανε, πατρὸσ εἶσ τοῦ ἐμοῦ ἀδελφεόσ· τοῦτό σε ῥύσεται μηδένα ἄξιον μισθὸν λαβεῖν ἐπέων ματαίων. καί τοι ταύτην τὴν ἀτιμίην προστίθημι ἐόντι κακῷ καὶ ἀθύμῳ, μήτε συστρατεύεσθαι ἔμοιγε ἐπὶ τὴν Ἑλλάδα αὐτοῦ τε μένειν ἅμα τῇσι γυναιξί· ἐγὼ δὲ καὶ ἄνευ σέο ὅσα περ εἶπα ἐπιτελέα ποιήσω. μὴ γὰρ εἰήν ἐκ Δαρείου τοῦ Ὑστάσπεοσ τοῦ Ἀρσάμεοσ τοῦ Ἀριαράμνεω τοῦ Τεί̈σπεοσ τοῦ Κύρου τοῦ Καμβύσεω τοῦ Τεί̈σπεοσ τοῦ Ἀχαιμένεοσ γεγονώσ, μὴ τιμωρησάμενοσ Ἀθηναίουσ, εὖ ἐπιστάμενοσ ὅτι εἰ ἡμεῖσ ἡσυχίην ἄξομεν, ἀλλ’ οὐκ ἐκεῖνοι, ἀλλὰ καὶ μάλα στρατεύσονται ἐπὶ τὴν ἡμετέρην, εἰ χρὴ σταθμώσασθαι τοῖσι ὑπαργμένοισι ἐξ ἐκείνων, οἳ Σάρδισ τε ἐνέπρησαν καὶ ἤλασαν ἐσ τὴν Ἀσίην.

οὔκων ἐξαναχωρέειν οὐδετέροισι δυνατῶσ ἔχει, ἀλλὰ ποιέειν ἢ παθεῖν πρόκειται ἀγών, ἵνα ἢ τάδε πάντα ὑπὸ Ἕλλησι ἢ ἐκεῖνα πάντα ὑπὸ Πέρσῃσι γένηται·

τὸ γὰρ μέσον οὐδὲν τῆσ ἔχθρησ ἐστί. καλὸν ὦν προπεπονθότασ ἡμέασ τιμωρέειν ἤδη γίνεται, ἵνα καὶ τὸ δεινὸν τὸ πείσομαι τοῦτο μάθω, ἐλάσασ ἐπ’ ἄνδρασ τούτουσ, τούσ γε καὶ Πέλοψ ὁ Φρύξ, ἐὼν πατέρων τῶν ἐμῶν δοῦλοσ, κατεστρέψατο οὕτω ὡσ καὶ ἐσ τόδε αὐτοί τε ὥνθρωποι καὶ ἡ γῆ αὐτῶν ἐπώνυμοι τοῦ καταστρεψαμένου καλέονται.

상위

The Histories

목록

일치하는 문장이 없습니다.

SEARCH

MENU NAVIGATION