Herodotus, The Histories, book 7, chapter 6

(헤로도토스, The Histories, book 7, chapter 6)

ταῦτα ἔλεγε οἱᾶ νεωτέρων ἔργων ἐπιθυμητὴσ ἐὼν καὶ θέλων αὐτὸσ τῆσ Ἑλλάδοσ ὕπαρχοσ εἶναι. χρόνῳ δὲ κατεργάσατό τε καὶ ἀνέπεισε ὥστε ποιέειν ταῦτα Ξέρξην· συνέλαβε γὰρ καὶ ἄλλα οἱ σύμμαχα γενόμενα ἐσ τὸ πείθεσθαι Ξέρξην. τοῦτο μὲν ἀπὸ τῆσ Θεσσαλίησ παρὰ τῶν Ἀλευαδέων ἀπιγμένοι ἄγγελοι ἐπεκαλέοντο βασιλέα πᾶσαν προθυμίην παρεχόμενοι ἐπὶ τὴν Ἑλλάδα·

οἱ δὲ Ἀλευάδαι οὗτοι ἦσαν Θεσσαλίησ βασιλέεσ. τοῦτο δὲ Πεισιστρατιδέων οἱ ἀναβεβηκότεσ ἐσ Σοῦσα, τῶν τε αὐτῶν λόγων ἐχόμενοι τῶν καὶ οἱ Ἀλευάδαι, καὶ δή τι πρὸσ τούτοισι ἔτι πλέον προσωρέγοντό οἱ· ἔχοντεσ Ὀνομάκριτον ἄνδρα Ἀθηναῖον, χρησμολόγον τε καὶ διαθέτην χρησμῶν τῶν Μουσαίου, ἀναβεβήκεσαν, τὴν ἔχθρην προκαταλυσάμενοι.

ἐξηλάσθη γὰρ ὑπὸ Ἱππάρχου τοῦ Πεισιστράτου ὁ Ὀνομάκριτοσ ἐξ Ἀθηνέων, ἐπ’ αὐτοφώρῳ ἁλοὺσ ὑπὸ Λάσου τοῦ Ἑρμιονέοσ ἐμποιέων ἐσ τὰ Μουσαίου χρησμόν, ὡσ αἱ ἐπὶ Λήμνῳ ἐπικείμεναι νῆσοι ἀφανιζοίατο κατὰ τῆσ θαλάσσησ. διὸ ἐξήλασέ μιν ὁ Ἵππαρχοσ, πρότερον χρεώμενοσ τὰ μάλιστα.

τότε δὲ συναναβὰσ ὅκωσ ἀπίκοιτο ἐσ ὄψιν τὴν βασιλέοσ, λεγόντων τῶν Πεισιστρατιδέων περὶ αὐτοῦ σεμνοὺσ λόγουσ, κατέλεγε τῶν χρησμῶν· εἰ μέν τι ἐνέοι σφάλμα φέρον τῷ βαρβάρῳ, τῶν μὲν ἔλεγε οὐδέν, ὁ δὲ τὰ εὐτυχέστατα ἐκλεγόμενοσ ἔλεγε τόν τε Ἑλλήσποντον ὡσ ζευχθῆναι χρεὸν εἰή ὑπ’ ἀνδρὸσ Πέρσεω, τήν τε ἔλασιν ἐξηγεόμενοσ. οὗτόσ τε δὴ χρησμῳδέων προσεφέρετο καὶ οἵ τε Πεισιστρατίδαι καὶ οἱ Ἀλευάδαι γνώμασ ἀποδεικνύμενοι.

상위

The Histories

목록

일치하는 문장이 없습니다.

SEARCH

MENU NAVIGATION