헬라어 문장 검색 - Διοδορ́Λιβραρψ́6́64́

(디오도로스 시켈로스, Library, book xiii, chapter 109)

Διονύσιοσ δ’ ὁ τῶν Συρακοσίων τύραννοσ μεταπεμψάμενοσ παρὰ τῶν ἐξ Ἰταλίασ Ἑλλήνων βοήθειαν ἐξῆγε καὶ παρὰ τῶν ἄλλων συμμάχων δύναμιν· ἐπέλεξε δὲ καὶ τῶν Συρακοσίων τοὺσ πλείστουσ τῶν ἐν ἡλικίᾳ καὶ τοὺσ μισθοφόρουσ κατέλεξεν εἰσ τὸ στρατόπεδον. εἶχε δὲ τοὺσ ἅπαντασ, ὡσ μέν τινεσ, πεντακισμυρίουσ, ὡσ δὲ Τίμαιοσ ἀνέγραψε, πεζοὺσ μὲν τρισμυρίουσ, ἱππεῖσ δὲ χιλίουσ, ναῦσ δὲ καταφράκτουσ πεντήκοντα.

μετὰ δὲ τοσαύτησ δυνάμεωσ ἐξορμήσασ ἐπὶ τὴν βοήθειαν τοῖσ Γελῴοισ, ὡσ ἤγγισε τῆσ πόλεωσ, κατεστρατοπέδευσε παρὰ τὴν θάλατταν. ἔσπευδε γὰρ μὴ διασπᾶν τὴν στρατιάν, ἀλλ’ ἐκ τοῦ αὐτοῦ τόπου τὴν ὁρμὴν ποιούμενοσ κατὰ γῆν ἅμα καὶ κατὰ θάλατταν ἀγωνίζεσθαι·

τοῖσ μὲν γὰρ ψιλοῖσ ἠγωνίζετο καὶ τὴν χώραν οὐκ εἰά προνομεύεσθαι, τοῖσ δ’ ἱππεῦσι καὶ ταῖσ ναυσὶν ἐπειρᾶτο τὰσ ἀγορὰσ ἀφαιρεῖσθαι τὰσ κομιζομένασ τοῖσ Καρχηδονίοισ ἐκ τῆσ ἰδίασ ἐπικρατείασ. ἐφ’ ἡμέρασ μὲν οὖν εἴκοσι διέτριβον οὐδὲν ἄξιον λόγου πράττοντεσ·

μετὰ δὲ ταῦτα Διονύσιοσ τοὺσ πεζοὺσ εἰσ τρία μέρη διεῖλεν, ἓν μὲν τάγμα ποιήσασ τῶν Σικελιωτῶν, οἷσ προσέταξεν ἐν ἀριστερᾷ τὴν πόλιν ἔχοντασ ἐπὶ τὸν χάρακα τῶν ἐναντίων πορεύεσθαι· τὸ δ’ ἕτερον τάγμα συμμάχων καταστήσασ ἐκέλευσεν ἐν δεξιᾷ τὴν πόλιν ἔχοντασ ἐπείγεσθαι παρ’ αὐτὸν τὸν αἰγιαλόν· αὐτὸσ δ’ ἔχων τὸ τῶν μισθοφόρων σύνταγμα διὰ τῆσ πόλεωσ ὡρ́μησεν ἐπὶ τὸν τόπον, οὗ τὰ μηχανήματα τῶν Καρχηδονίων ἦν. καὶ τοῖσ μὲν ἱππεῦσι παρήγγειλεν, ἐπειδὰν ἴδωσι τοὺσ πεζοὺσ ὡρμημένουσ, διαβῆναι τὸν ποταμὸν καὶ τὸ πεδίον καθιππάζεσθαι, κἂν μὲν ὁρῶσι τοὺσ ἰδίουσ προτεροῦντασ, συνεπιλαμβάνεσθαι τῆσ μάχησ, ἂν δ’ ἐλαττωμένουσ, δέχεσθαι τοὺσ θλιβομένουσ·

τοῖσ δ’ ἐν ταῖσ ναυσὶ παρήγγειλε πρὸσ τὴν τῶν Ἰταλιωτῶν ἔφοδον τῇ παρεμβολῇ τῶν πολεμίων ἐπιπλεῦσαι. εὐκαίρωσ δ’ αὐτῶν ποιησάντων τὸ παραγγελθέν, οἱ μὲν Καρχηδόνιοι πρὸσ ἐκεῖνο τὸ μέροσ παρεβοήθουν, ἀνείργοντεσ τοὺσ ἐκ τῶν νεῶν ἀποβαίνοντασ·

καὶ γὰρ οὐδ’ ὠχυρωμένον τὸ μέροσ εἶχον, ἅπαν τὸ παρὰ τὸν αἰγιαλὸν· οἱ δ’ Ἰταλιῶται κατὰ τοῦτον τὸν καιρὸν παρὰ τὴν θάλατταν τὸ πᾶν διανύσαντεσ ἐπέθεντο τῇ παρεμβολῇ τῶν Καρχηδονίων, τοὺσ πλείστουσ εὑρόντεσ παραβεβοηθηκότασ ἐπὶ τὰσ ναῦσ·

τοὺσ δ’ ἐπὶ τούτου τοῦ μέρουσ ὑπολελειμμένουσ τρεψάμενοι παρεισέπεσον εἰσ τὴν στρατοπεδείαν. οὗ γενηθέντοσ οἱ Καρχηδόνιοι τῷ πλείστῳ μέρει τῆσ δυνάμεωσ ἐπιστρέψαντεσ καὶ πολὺν διαγωνισάμενοι χρόνον μόγισ ἐξέωσαν τοὺσ ἐντὸσ τῆσ τάφρου βιασαμένουσ.

οἱ δὲ Ἰταλιῶται τῷ πλήθει τῶν βαρβάρων καταπονούμενοι κατὰ τὴν ἀναχώρησιν εἰσ τὸ τοῦ χάρακοσ ἀπωξυμμένον ἐνέπιπτον, οὐκ ἔχοντεσ βοήθειαν· οἵ τε γὰρ Σικελιῶται διὰ τοῦ πεδίου πορευόμενοι καθυστέρουν τῶν καιρῶν, οἵ τε μετὰ Διονυσίου μισθοφόροι μόγισ διεπορεύοντο τὰσ κατὰ τὴν πόλιν ὁδούσ, οὐ δυνάμενοι κατὰ τὴν ἰδίαν προαίρεσιν ἐπισπεῦσαι.

οἱ δὲ Γελῷοι μέχρι τινὸσ ἐπεξιόντεσ ἐπεβοήθουν κατὰ βραχὺν τόπον τοῖσ Ἰταλιώταισ, εὐλαβούμενοι λιπεῖν τὴν τῶν τειχῶν φυλακήν· διόπερ ὑστέρουν τῆσ βοηθείασ. οἱ δὲ Ἴβηρεσ καὶ Καμπανοὶ μετὰ τῶν Καρχηδονίων στρατευόμενοι, καὶ βαρεῖσ ἐπικείμενοι τοῖσ ἀπὸ τῆσ Ἰταλίασ Ἕλλησι, κατέβαλον αὐτῶν πλείουσ τῶν χιλίων.

τῶν δ’ ἐν ταῖσ ναυσὶν ἀνειργόντων τοξεύμασι τοὺσ διώκοντασ, οἱ λοιποὶ μετ’ ἀσφαλείασ διεσώθησαν πρὸσ τὴν πόλιν. ἐκ δὲ θατέρου μέρουσ οἱ Σικελιῶται πρὸσ τοὺσ ἀπαντήσαντασ Λίβυασ διαγωνισάμενοι συχνοὺσ μὲν αὐτῶν ἀνεῖλον, τοὺσ δ’ ἄλλουσ εἰσ τὴν στρατοπεδείαν συνεδίωξαν·

τῶν δὲ Ἰβήρων καὶ Καμπανῶν, ἔτι δὲ Καρχηδονίων, παραβοηθησάντων τοῖσ Λίβυσι, περὶ ἑξακοσίουσ ἀποβαλόντεσ πρὸσ τὴν πόλιν ἀπεχώρησαν. οἱ δ’ ἱππεῖσ ὡσ εἶδον τοὺσ ἰδίουσ ἡττημένουσ, καὶ αὐτοὶ πρὸσ τὴν πόλιν ἀπῆλθον, ἐπικειμένων αὐτοῖσ τῶν πολεμίων.

Διονύσιοσ δὲ μόγισ διελθὼν τὴν πόλιν, ὡσ κατέλαβε τὸ στρατόπεδον ἠλαττωμένον, τότε μὲν ἐντὸσ τῶν τειχῶν ἀνεχώρησεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 109

(디오도로스 시켈로스, Library, book xiii, chapter 109)

상위

목록

SEARCH

MENU NAVIGATION