Diodorus Siculus, Library, book xiii, chapter 112

(디오도로스 시켈로스, Library, book xiii, chapter 112)

ἐφ’ οἷσ ἐξεκάετο τὸ κατὰ τοῦ Διονυσίου μῖσοσ· καὶ γὰρ ὑπελάμβανον αὐτὸν ἐκ συνθέσεωσ τοῦτο πεποιηκέναι πρὸσ τὸ τῷ Καρχηδονίων φόβῳ τῶν ἄλλων πόλεων ἀσφαλῶσ δυναστεύειν. ἀνελογίζοντο γὰρ τὴν βραδυτῆτα τῆσ βοηθείασ, τὸ μηδένα πεπτωκέναι τῶν μισθοφόρων, τὸ μηδενὸσ ἁδροῦ πταίσματοσ γεγενημένου φυγεῖν ἀλόγωσ, τὸ δὲ μέγιστον, τὸ μηδένα τῶν πολεμίων ἐπηκολουθηκέναι·

ὥστε τοῖσ πρότερον ἐπιθυμοῦσι καιρὸν λαβεῖν τῆσ ἀποστάσεωσ καθάπερ θεῶν προνοίᾳ πάντα ὑπουργεῖν πρὸσ τὴν κατάλυσιν τῆσ δυναστείασ. οἱ μὲν οὖν Ἰταλιῶται καταλιπόντεσ αὐτὸν ἐπ’ οἴκου διὰ τῆσ μεσογείου τὴν πορείαν ἐποιήσαντο, οἱ δὲ τῶν Συρακοσίων ἱππεῖσ τὸ μὲν πρῶτον ἐπετήρουν, εἰ δύναιντο κατὰ τὴν ὁδὸν ἀνελεῖν τὸν τύραννον·

ὡσ δὲ ἑώρων οὐκ ἀπολείποντασ αὐτὸν τοὺσ μισθοφόρουσ, ὁμοθυμαδὸν ἀφίππευσαν εἰσ τὰσ Συρακούσασ. καταλαβόντεσ δὲ τοὺσ ἐν τοῖσ νεωρίοισ ἀγνοοῦντασ τὰ περὶ τὴν Γέλαν, εἰσῆλθον οὐδενὸσ κωλύσαντοσ, καὶ τὴν μὲν οἰκίαν τοῦ Διονυσίου διήρπασαν γέμουσαν ἀργύρου τε καὶ χρυσοῦ καὶ τῆσ ἄλλησ πολυτελείασ ἁπάσησ, τὴν δὲ γυναῖκα συλλαβόντεσ οὕτω διέθεσαν κακῶσ, ὥστε καὶ τὸν τύραννον βαρέωσ ἐνέχειν τὴν ὀργήν, νομίζοντεσ τὴν ταύτησ τιμωρίαν μεγίστην εἶναι πίστιν τῆσ πρὸσ ἀλλήλουσ κοινωνίασ κατὰ τὴν ἐπίθεσιν.

ὁ δὲ Διονύσιοσ κατὰ τὴν ὁδοιπορίαν τὸ γεγονὸσ καταστοχαζόμενοσ, ἐπέλεξε τῶν ἱππέων καὶ τῶν πεζῶν τοὺσ πιστοτάτουσ, μεθ’ ὧν ἠπείγετο πρὸσ τὴν πόλιν σπουδῆσ οὐδὲν ἐλλείπων·

ἐλογίζετο γὰρ οὐκ ἂν ἄλλωσ δυνατὸν ἐπικρατῆσαι τῶν ἱππέων, εἰ μὴ σπεύδοι· ὅπερ ἐποίησεν. εἰ γὰρ παραδοξότερον ἐκείνων ποιήσαιτο τὴν ἄφιξιν, ἤλπιζε ῥᾳδίωσ κρατήσειν τῆσ ἐπιβολῆσ· ὅπερ καὶ συνέπεσεν. οἱ γὰρ ἱππεῖσ οὔτ’ ἂν ἔτ’ ἀπελθεῖν οὔτε μεῖναι κατὰ τὸ στρατόπεδον τὸν Διονύσιον ὑπελάμβανον·

διόπερ κεκρατηκέναι τῆσ ἐπιβολῆσ νομίσαντεσ, ἔφασαν αὐτὸν ἐκ μὲν Γέλασ προσποιηθῆναι τοὺσ Φοίνικασ ἀποδιδράσκειν, νυνὶ δὲ ὡσ ἀληθῶσ ἀποδεδρακέναι τοὺσ Συρακοσίουσ. Διονύσιοσ δὲ διανύσασ σταδίουσ περὶ τετρακοσίουσ παρῆν περὶ μέσασ νύκτασ πρὸσ τὴν πύλην τῆσ Ἀχραδινῆσ μεθ’ ἱππέων ἑκατὸν καὶ πεζῶν ἑξακοσίων·

ἣν καταλαβὼν κεκλεισμένην, προσέθηκεν αὐτῇ τὸν κατακεκομισμένον ἐκ τῶν ἑλῶν κάλαμον, ᾧ χρῆσθαι νομίζουσιν οἱ Συρακόσιοι πρὸσ τὴν τῆσ κονίασ σύνδεσιν. ἐν ὅσῳ δὲ συνέβαινε τὰσ πύλασ κατακαίεσθαι, προσανελάμβανε τοὺσ ἀφυστεροῦντασ. ἐπειδὴ δὲ τὸ πῦρ κατέφθειρε τὰσ πύλασ, οὗτοσ μὲν μετὰ τῶν ἠκολουθηκότων εἰσήλαυνε διὰ τῆσ Ἀχραδινῆσ, τῶν δ’ ἱππέων οἱ δυνατώτατοι τὸ γεγονὸσ ἀκούσαντεσ, τὸ μὲν πλῆθοσ οὐκ ἀνέμενον, εὐθὺσ δ’ ἐξεβοήθουν ὄντεσ ὀλίγοι παντελῶσ ‐ ἦσαν δὲ περὶ τὴν ἀγοράν ‐ καὶ κυκλωθέντεσ ὑπὸ τῶν μισθοφόρων ἅπαντεσ κατηκοντίσθησαν.

ὁ δὲ Διονύσιοσ ἐπελθὼν τὴν πόλιν τούσ τε σποράδην ἐκβοηθοῦντασ ἀνεῖλε, καὶ τῶν ἀλλοτρίωσ διακειμένων ἐπῄει τὰσ οἰκίασ, ὧν τοὺσ μὲν ἀπέκτεινε, τοὺσ δ’ ἐκ τῆσ πόλεωσ ἐξέβαλε.

τὸ δὲ λοιπὸν πλῆθοσ τῶν ἱππέων ἐκπεσὸν ἐκ τῆσ πόλεωσ κατελάβετο τὴν νῦν καλουμένην Αἴτνην. ἅμα δ’ ἡμέρᾳ τὸ μὲν πλῆθοσ τῶν μισθοφόρων καὶ τὸ στράτευμα τῶν Σικελιωτῶν κατήντησεν εἰσ τὰσ Συρακούσασ, Γελῷοι δὲ καὶ Καμαριναῖοι τῷ Διονυσίῳ διαφόρωσ ἔχοντεσ εἰσ Λεοντίνουσ ἀπηλλάγησαν.

διόπερ ὑπὸ τῶν πραγμάτων ἀναγκαζόμενοσ Ἰμίλκασ ἔπεμψεν εἰσ Συρακούσασ κήρυκα, παρακαλῶν τοὺσ ἡττημένουσ διαλύσασθαι.

ἀσμένωσ δ’ ὑπακούσαντοσ τοῦ Διονυσίου τὴν εἰρήνην ἐπὶ τοῖσδε ἔθεντο· Καρχηδονίων εἶναι μετὰ τῶν ἐξ ἀρχῆσ ἀποίκων Ἐλύμουσ καὶ Σικανούσ· Σελινουντίουσ δὲ καὶ Ἀκραγαντίνουσ, ἔτι δ’ Ἱμεραίουσ, πρὸσ δὲ τούτοισ Γελῴουσ καὶ Καμαριναίουσ οἰκεῖν μὲν ἐν ἀτειχίστοισ ταῖσ πόλεσι, φόρον δὲ τελεῖν τοῖσ Καρχηδονίοισ· Λεοντίνουσ δὲ καὶ Μεσσηνίουσ καὶ Σικελοὺσ ἅπαντασ αὐτονόμουσ εἶναι, καὶ Συρακοσίουσ μὲν ὑπὸ Διονύσιον τετάχθαι, τὰ δὲ αἰχμάλωτα καὶ τὰσ ναῦσ ἀποδοῦναι τοὺσ ἔχοντασ τοῖσ ἀποβαλοῦσι. τῶν συνθηκῶν δὲ γενομένων Καρχηδόνιοι μὲν εἰσ Λιβύην ἐξέπλευσαν, πλεῖον ἢ τὸ ἥμισυ μέροσ τῶν στρατιωτῶν ἀποβαλόντεσ ὑπὸ τῆσ νόσου·

οὐδὲν δ’ ἧττον καὶ κατὰ Λιβύην διαμείναντοσ τοῦ λοιμοῦ, παμπληθεῖσ αὐτῶν τε τῶν Καρχηδονίων, ἔτι δὲ τῶν συμμάχων διεφθάρησαν. ἡμεῖσ δὲ παραγενηθέντεσ ἐπὶ τὴν κατάλυσιν τῶν πολέμων, κατὰ μὲν τὴν Ἑλλάδα τοῦ Πελοποννησιακοῦ, κατὰ δὲ τὴν Σικελίαν τοῦ Καρχηδονίοισ πρὸσ Διονύσιον πρώτου συστάντοσ, ἡγούμεθα δεῖν ἐπιτετελεσμένησ τῆσ προθέσεωσ τὰσ ἑξῆσ πράξεισ εἰσ τὴν ἐχομένην βίβλον καταχωρίσαι.

일치하는 문장이 없습니다.

SEARCH

MENU NAVIGATION