Diodorus Siculus, Library, book xiii, chapter 27

(디오도로스 시켈로스, Library, book xiii, chapter 27)

ὅσοι μὲν γὰρ λόγου καὶ παιδείασ ἐν τῇ πόλει μετεσχήκατε, δότε τὸν ἔλεον τοῖσ τὴν πατρίδα κοινὸν παιδευτήριον παρεχομένοισ πᾶσιν ἀνθρώποισ· ὅσοι δὲ τῶν ἁγνοτάτων μυστηρίων μετειλήφατε, σώσατε τοὺσ μυήσαντασ, οἱ μὲν ἤδη μετεσχηκότεσ τῶν φιλανθρωπιῶν τὴν χάριν διδόντεσ τῆσ εὐεργεσίασ, οἱ δὲ μέλλοντεσ μεταλήψεσθαι μὴ παραιρούμενοι τῷ θυμῷ τὴν ἐλπίδα. ποῖοσ γὰρ τόποσ τοῖσ ξένοισ βάσιμοσ εἰσ παιδείαν ἐλευθέριον τῆσ Ἀθηναίων πόλεωσ ἀνῃρημένησ;

βραχὺ τὸ διὰ τὴν ἁμαρτίαν μῖσοσ, μεγάλα δὲ καὶ πολλὰ τὰ πρὸσ εὔνοιαν αὐτοῖσ εἰργασμένα. χωρὶσ δὲ τῆσ περὶ τὴν πόλιν ἐντροπῆσ καὶ κατ’ ἰδίαν ἄν τισ τοὺσ αἰχμαλώτουσ ἐξετάζων εὑρ́οι δικαίωσ ἐλέου τυγχάνοντασ. οἱ μὲν γὰρ σύμμαχοι τῇ τῶν κρατούντων ὑπεροχῇ βιασθέντεσ ἠναγκάσθησαν συστρατεύειν. διόπερ εἰ τοὺσ ἐξ ἐπιβολῆσ ἀδικήσαντασ δίκαιόν ἐστι τιμωρεῖσθαι, τοὺσ ἀκουσίωσ ἐξαμαρτάνοντασ προσῆκον ἂν εἰή συγγνώμησ ἀξιοῦν.

τί λέγω Νικίαν, ὃσ ἀπ’ ἀρχῆσ τὴν πολιτείαν ὑπὲρ Συρακοσίων ἐνστησάμενοσ μόνοσ ἀντεῖπεν ὑπὲρ τῆσ εἰσ Σικελίαν στρατείασ, ἀεὶ δὲ τῶν παρεπιδημούντων Συρακοσίων φροντίζων καὶ πρόξενοσ ὢν διατετέλεκεν; ἄτοπον οὖν Νικίαν κολάζεσθαι τὸν ὑπὲρ ἡμῶν Ἀθήνησι πεπολιτευμένον, καὶ διὰ μὲν τὴν εἰσ ἡμᾶσ εὔνοιαν μὴ τυχεῖν φιλανθρωπίασ, διὰ δὲ τὴν ἐν τοῖσ κοινοῖσ ὑπηρεσίαν ἀπαραιτήτῳ περιπεσεῖν τιμωρίᾳ, καὶ τὸν μὲν ἐπαγαγόντα τὸν πόλεμον ἐπὶ Συρακοσίουσ Ἀλκιβιάδην ἅμα καὶ παρ’ ἡμῶν καὶ παρ’ Ἀθηναίων ἐκφυγεῖν τὴν τιμωρίαν, τὸν δ’ ὁμολογουμένωσ φιλανθρωπότατον Ἀθηναίων γεγενημένον μηδὲ τοῦ κοινοῦ τυχεῖν ἐλέου.

διόπερ ἔγωγε τὴν τοῦ βίου μεταβολὴν θεωρῶν ἐλεῶ τὴν τύχην.

πρότερον μὲν γὰρ ἐν τοῖσ ἐπισημοτάτοισ τῶν Ἑλλήνων ὑπάρχων καὶ διὰ τὴν καλοκἀγαθίαν ἐπαινούμενοσ μακαριστὸσ ἦν καὶ περίβλεπτοσ κατὰ πᾶσαν πόλιν· νυνὶ δ’ ἐξηγκωνισμένοσ καὶ ἐν ἀσχήμονί χιτῶνι προσόψει τῶν τῆσ αἰχμαλωσίασ οἰκτρῶν πεπείραται, καθαπερεὶ τῆσ τύχησ ἐν τῷ τούτου βίῳ τὴν ἑαυτῆσ δύναμιν ἐπιδείξασθαι βουλομένησ.

ἧσ τὴν εὐημερίαν ἀνθρωπίνωσ ἡμᾶσ ὑπενεγκεῖν προσήκει καὶ μὴ βάρβαρον ὠμότητα πρὸσ ὁμοεθνεῖσ ἀνθρώπουσ ἐνδείξασθαι.

일치하는 문장이 없습니다.

SEARCH

MENU NAVIGATION