Diodorus Siculus, Library, book xiii, chapter 100

(디오도로스 시켈로스, Library, book xiii, chapter 100)

οἱ δ’ Ἀθηναῖοι διώξαντεσ ἐφ’ ἱκανὸν τοὺσ ἡττημένουσ πάντα τὸν σύνεγγυσ τόπον τῆσ θαλάττησ ἐπλήρωσαν νεκρῶν καὶ ναυαγίων. μετὰ δὲ ταῦτα τῶν στρατηγῶν οἱ μὲν ᾤοντο δεῖν τοὺσ τετελευτηκότασ ἀναιρεῖσθαι διὰ τὸ χαλεπῶσ διατίθεσθαι τοὺσ Ἀθηναίουσ ἐπὶ τοῖσ ἀτάφουσ περιορῶσι τοὺσ τετελευτηκότασ, οἱ δ’ ἔφασαν δεῖν ἐπὶ τὴν Μιτυλήνην πλεῖν καὶ τὴν ταχίστην λῦσαι τὴν πολιορκίαν. ἐπεγενήθη δὲ καὶ χειμὼν μέγασ, ὥστε σαλεύεσθαι τὰσ τριήρεισ, καὶ τοὺσ στρατιώτασ διά τε τὴν ἐκ τῆσ μάχησ κακοπάθειαν καὶ διὰ τὸ μέγεθοσ τῶν κυμάτων ἀντιλέγειν πρὸσ τὴν ἀναίρεσιν τῶν νεκρῶν.

τέλοσ δὲ τοῦ χειμῶνοσ ἐπιτείνοντοσ οὔτε ἐπὶ τὴν Μιτυλήνην ἔπλευσαν οὔτε τοὺσ τετελευτηκότασ ἀνείλαντο, βιασθέντεσ δὲ ὑπὸ τῶν πνευμάτων εἰσ Ἀργινούσασ κατέπλευσαν.

ἀπώλοντο δὲ ἐν τῇ ναυμαχίᾳ τῶν μὲν Ἀθηναίων ναῦσ εἴκοσι πέντε καὶ τῶν ἐν αὐταῖσ οἱ πλεῖστοι, τῶν δὲ Πελοποννησίων ἑπτὰ πρὸσ ταῖσ ἑβδομήκοντα· διόπερ τοσούτων νεῶν καὶ τῶν ἐν αὐταῖσ γεγενημένων ἀνδρῶν ἀπολωλότων ἐπλήσθη τῆσ Κυμαίων καὶ Φωκαέων ἡ παραθαλάττιοσ χώρα νεκρῶν καὶ ναυαγίων.

ὁ δὲ τὴν Μιτυλήνην πολιορκῶν Ἐτεόνικοσ πυθόμενόσ τινοσ τὴν τῶν Πελοποννησίων ἧτταν, τὰσ μὲν ναῦσ εἰσ Χίον ἔπεμψε, τὴν δὲ πεζὴν δύναμιν αὐτὸσ ἔχων εἰσ τὴν Πυρραίων πόλιν ἀπεχώρησεν,οὖσαν σύμμαχον·

ἐδεδοίκει γάρ, μήποτε τῷ στόλῳ πλευσάντων τῶν Ἀθηναίων ἐπ’ αὐτοὺσ καὶ τῶν ἐκ τῆσ πόλεωσ ἐπεξελθόντων κινδυνεύσῃ τὴν δύναμιν ἀποβαλεῖν ἅπασαν. οἱ δὲ τῶν Ἀθηναίων στρατηγοὶ πλεύσαντεσ εἰσ Μιτυλήνην καὶ τὸν Κόνωνα μετὰ τῶν τεσσαράκοντα νεῶν παραλαβόντεσ εἰσ Σάμον κατέπλευσαν, κἀκεῖθεν ὁρμώμενοι τὴν τῶν πολεμίων χώραν ἐπόρθουν.

μετὰ δὲ ταῦτα οἱ περὶ τὴν Αἰολίδα καὶ τὴν Ιὠνίαν καὶ τὰσ νήσουσ τὰσ συμμαχούσασ Λακεδαιμονίοισ συνῆλθον εἰσ Ἔφεσον, καὶ βουλευομένοισ αὐτοῖσ ἔδοξεν ἀποστέλλειν εἰσ Σπάρτην καὶ Λύσανδρον αἰτεῖσθαι ναύαρχον·

οὗτοσ γὰρ ἔν τε τῷ τῆσ ναυαρχίασ χρόνῳ κατωρθωκὼσ ἦν πολλὰ καὶ ἐδόκει διαφέρειν στρατηγίᾳ τῶν ἄλλων. οἱ δὲ Λακεδαιμόνιοι νόμον ἔχοντεσ δὶσ τὸν αὐτὸν μὴ πέμπειν, καὶ τὸ πάτριον ἔθοσ μὴ θέλοντεσ καταλύειν, Ἄρακον μὲν εἵλοντο ναύαρχον, τὸν δὲ Λύσανδρον ἰδιώτην αὐτῷ συνεξέπεμψαν, προστάξαντεσ ἀκούειν ἅπαντα τούτου.

οὗτοι μὲν ἐκπεμφθέντεσ ἐπὶ τὴν ἡγεμονίαν ἔκ τε τῆσ Πελοποννήσου καὶ παρὰ τῶν συμμάχων τριήρεισ ἤθροιζον ὅσασ ἠδύναντο πλείστασ.

일치하는 문장이 없습니다.

SEARCH

MENU NAVIGATION