헬라어 문장 검색 - Διοδορ́Λιβραρψ́6́38́

(디오도로스 시켈로스, Library, book xiii, chapter 63)

εἰσ δὲ τὴν Σικελίαν κατέπλευσεν Ἑρμοκράτησ ὁ Συρακόσιοσ. οὗτοσ δ’ ἐν μὲν τῷ πρὸσ Ἀθηναίουσ πολέμῳ στρατηγήσασ καὶ πολλὰ τῇ πατρίδι χρήσιμοσ γενόμενοσ πλεῖστον ἴσχυσε παρὰ τοῖσ Συρακοσίοισ, μετὰ δὲ ταῦτα ναύαρχοσ πεμφθεὶσ σὺν τριάκοντα πέντε τριήρεσι Λακεδαιμονίοισ συμμαχήσων ὑπὸ τῶν ἀντιπολιτευομένων κατεστασιάσθη, καὶ φυγῆσ μὲν ἐγενήθη κατάδικοσ, τὸν δὲ στόλον παρέδωκεν ἐν Πελοποννήσῳ τοῖσ ἐπὶ τὴν διαδοχὴν ἀποσταλεῖσιν. αὐτὸσ δ’ ἐκ τῆσ στρατείασ φιλίαν ἔχων πρὸσ Φαρνάβαζον τὸν τῶν Περσῶν σατράπην ἔλαβε παρ’ αὐτοῦ πολλὰ χρήματα, μεθ’ ὧν εἰσ Μεσσήνην καταπλεύσασ πέντε μὲν ἐναυπήγησε τριήρεισ, χιλίουσ δ’ ἐμισθώσατο στρατιώτασ.

παραλαβὼν δὲ καὶ τῶν ἐκπεπτωκότων Ἱμεραίων ὡσ χιλίουσ, ἐπεχείρησε μὲν εἰσ Συρακούσασ κατελθεῖν συναγωνιζομένων αὐτῷ τῶν φίλων, ἀποτυχὼν δὲ τῆσ ἐπιβολῆσ ὡρ́μησε διὰ τῆσ μεσογείου, καὶ καταλαβόμενοσ τὸν Σελινοῦντα τῆσ πόλεωσ μέροσ ἐτείχισε καὶ πανταχόθεν κατεκάλει τοὺσ διασωζομένουσ τῶν Σελινουντίων.

πολλοὺσ δὲ καὶ ἄλλουσ ὑποδεχόμενοσ εἰσ τὸν τόπον συνήγαγε δύναμιν ἐπιλέκτων ἀνδρῶν ἑξακισχιλίων.

ἐντεῦθεν δ’ ὁρμώμενοσ πρῶτον μὲν τὴν τῶν Μοτυηνῶν ἐπόρθησε χώραν, καὶ τοὺσ ἐπεξελθόντασ ἐκ τῆσ πόλεωσ μάχῃ κρατήσασ πολλοὺσ μὲν ἀνεῖλε, τοὺσ δ’ ἄλλουσ συνεδίωξεν ἐντὸσ τοῦ τείχουσ. μετὰ δὲ ταῦτα τὴν τῶν Πανορμιτῶν χώραν λεηλατήσασ ἀναριθμήτου λείασ ἐκυρίευσε, τῶν δὲ Πανορμιτῶν πανδημεὶ παραταξαμένων πρὸ τῆσ πόλεωσ εἰσ πεντακοσίουσ μὲν αὐτῶν ἀνεῖλε, τοὺσ δ’ ἄλλουσ συνέκλεισεν ἐντὸσ τῶν τειχῶν. παραπλησίωσ δὲ καὶ τὴν ἄλλην χώραν ἅπασαν τὴν ὑπὸ Καρχηδονίουσ οὖσαν πορθῶν ἐπαίνου παρὰ τοῖσ Σικελιώταισ ἐτύγχανεν.

εὐθὺ δὲ καὶ τῶν Συρακοσίων οἱ πλεῖστοι μετεμελήθησαν,ἀναξίωσ τῆσ ἰδίασ ἀρετῆσ ὁρῶντεσ πεφυγαδευμένον τὸν Ἑρμοκράτην. διὸ καὶ περὶ αὐτοῦ πολλῶν λόγων γινομένων ἐν ταῖσ ἐκκλησίαισ, ὁ μὲν δῆμοσ φανερὸσ ἦν βουλόμενοσ καταδέχεσθαι τὸν ἄνδρα, ὁ δ’ Ἑρμοκράτησ ἀκούων τὴν περὶ αὑτοῦ φήμην ἐν ταῖσ Συρακούσαισ παρεσκευάζετο πρὸσ τὴν αὑτοῦ κάθοδον ἐπιμελῶσ, εἰδὼσ τοὺσ ἀντιπολιτευομένουσ ἀντιπράξοντασ.

καὶ τὰ μὲν κατὰ Σικελίαν ἐν τούτοισ ἦν. κατὰ δὲ τὴν Ἑλλάδα Θρασύβουλοσ πεμφθεὶσ παρ’ Ἀθηναίων μετὰ νεῶν τριάκοντα καὶ πολλῶν ὁπλιτῶν σὺν ἱππεῦσιν ἑκατὸν κατέπλευσεν εἰσ τὴν Ἔφεσον·

ἐκβιβάσασ δὲ τὴν δύναμιν κατὰ δύο τόπουσ προσβολὰσ ἐποιήσατο. τῶν δ’ ἔνδον ἐπεξελθόντων καρτερὰν συνέβη μάχην συστῆναι· πανδημεὶ δὲ τῶν Ἐφεσίων ἀγωνισαμένων τετρακόσιοι μὲν τῶν Ἀθηναίων ἔπεσον, τοὺσ δ’ ἄλλουσ ὁ Θρασύβουλοσ ἀναλαβὼν εἰσ τὰσ ναῦσ ἐξέπλευσεν εἰσ Λέσβον. οἱ δὲ περὶ Κύζικον ὄντεσ τῶν Ἀθηναίων στρατηγοὶ πλεύσαντεσ ἐπὶ Χαλκηδόνα, Χρυσόπολιν ᾤκισαν φρούριον καὶ τὴν ἱκανὴν αὐτῷ κατέλιπον δύναμιν·

τοῖσ δ’ ἐπὶ τούτων κατασταθεῖσι προσέταξαν δεκάτην πράττεσθαι τοὺσ ἐκ τοῦ Πόντου πλέοντασ. μετὰ δὲ ταῦτα διελομένων αὐτῶν τὰσ δυνάμεισ, Θηραμένησ μὲν μετὰ πεντήκοντα νεῶν κατελείφθη πολιορκήσων Χαλκηδόνα καὶ Βυζάντιον, Θρασύβουλοσ δὲ περὶ Θρᾴκην πεμφθεὶσ τὰσ ἐν τούτοισ τοῖσ τόποισ πόλεισ προσηγάγετο.

Ἀλκιβιάδησ δὲ τὸν Θρασύβουλον μετὰ τῶν τριάκοντα νεῶν ἀπολύσασ ἔπλευσεν εἰσ τὴν ὑπὸ Φαρνάβαζον χώραν, καὶ κοινῇ πολλὴν αὐτῆσ πορθήσαντεσ τούσ τε στρατιώτασ ἐνέπλησαν ὠφελείασ καὶ αὐτοὶ χρήματα συνήγαγον ἐκ τῶν λαφύρων, βουλόμενοι κουφίσαι τὸν δῆμον τῶν εἰσφορῶν.

Λακεδαιμόνιοι δὲ πυνθανόμενοι περὶ τὸν Ἑλλήσποντον ὑπάρχειν ἁπάσασ τὰσ τῶν Ἀθηναίων δυνάμεισ, ἐστράτευσαν ἐπὶ Πύλον, ἣν Μεσσήνιοι φρουρᾷ κατεῖχον, κατὰ μὲν θάλατταν ἕνδεκα ναυσίν, ὧν ἦσαν αἱ μὲν ἀπὸ Σικελίασ πέντε, ἓξ δὲ ἐκ τῶν πολιτῶν πεπληρωμέναι·

πεζῇ δὲ παρήγαγον ἱκανὴν δύναμιν, καὶ περιστρατοπεδεύσαντεσ τὸ φρούριον ἐπόρθουν ἅμα καὶ κατὰ γῆν καὶ κατὰ θάλατταν. ἃ δὴ πυθόμενοσ ὁ τῶν Ἀθηναίων δῆμοσ ἐξαπέστειλε τοῖσ πολιορκουμένοισ εἰσ βοήθειαν ναῦσ τριάκοντα καὶ στρατηγὸν Ἄνυτον τὸν Ἀνθεμίωνοσ.

οὗτοσ μὲν οὖν ἐκπλεύσασ, καὶ διά τινασ χειμῶνασ οὐ δυνηθεὶσ τὸν Μαλέαν κάμψαι, ἀνέπλευσεν εἰσ Ἀθήνασ. ἐφ’ οἷσ ὁ μὲν δῆμοσ ὀργισθείσ, καὶ καταιτιασάμενοσ αὐτοῦ προδοσίαν, μετέστησεν εἰσ κρίσιν· ὁ δ’ Ἄνυτοσ ἰσχυρῶσ κινδυνεύων ἐρρύσατο χρήμασι τὴν ἰδίαν ψυχήν, καὶ πρῶτοσ Ἀθηναίων δοκεῖ δικαστήριον δωροδοκῆσαι. οἱ δ’ ἐν τῇ Πύλῳ Μεσσήνιοι μέχρι μέν τινοσ ἀντεῖχον, προσδοκῶντεσ παρὰ τῶν Ἀθηναίων βοήθειαν·

ὡσ δ’ οἱ μὲν πολέμιοι τὰσ προσβολὰσ ἐκ διαδοχῆσ ἐποιοῦντο, τῶν δὲ ἰδίων οἱ μὲν ἐκ τῶν τραυμάτων ἀπέθνησκον, οἱ δ’ ἐκ τῆσ σιτοδείασ κακῶσ ἀπήλλαττον, ὑπόσπονδοι τὸν τόπον ἐξέλιπον. Λακεδαιμόνιοι μὲν οὖν ἐγκρατεῖσ ἐγένοντο τῆσ Πύλου, πεντεκαίδεκα ἔτη τῶν Ἀθηναίων αὐτὴν κατεσχηκότων, ἀφ’ ὅτου Δημοσθένησ αὐτὴν ἐτείχισεν. τούτων δὲ πραττομένων Μεγαρεῖσ μὲν Νίσαιαν ὑπ’ Ἀθηναίουσ οὖσαν εἷλον, Ἀθηναῖοι δ’ ἐπ’ αὐτοὺσ ἀπέστειλαν Λεωτροφίδην καὶ Τίμαρχον μετὰ μὲν πεζῶν χιλίων, ἱππέων δὲ τετρακοσίων.

οἷσ οἱ Μεγαρεῖσ ἀπαντήσαντεσ μετὰ τῶν ὅπλων πανδημεὶ καὶ παραλαβόντεσ τινὰσ τῶν ἐκ Σικελίασ, παρετάξαντο πρὸσ τοῖσ λόφοισ τοῖσ Κέρασι καλουμένοισ· τῶν δ’ Ἀθηναίων λαμπρῶσ ἀγωνισαμένων, καὶ πολλαπλασίουσ ὄντασ τοὺσ πολεμίουσ τρεψαμένων, Μεγαρέων ἔπεσον μὲν πολλοί, τῶν δὲ Λακεδαιμονίων εἴκοσι μόνον·

οἱ γὰρ Ἀθηναῖοι βαρέωσ φέροντεσ ἐπὶ τῷ τὴν Νίσαιαν κατειλῆφθαι τοὺσ μὲν Λακεδαιμονίουσ οὐκ ἐδίωξαν, πρὸσ δὲ τοὺσ Μεγαρεῖσ χαλεπῶσ διακείμενοι παμπληθεῖσ ἀνεῖλον. Λακεδαιμόνιοι δὲ Κρατησιππίδαν ἑλόμενοι ναύαρχον, καὶ παρὰ τῶν συμμάχων ναῦσ αὑτῶν πληρώσαντεσ εἴκοσι πέντε, προσέταξαν παραβοηθεῖν τοῖσ συμμάχοισ.

οὗτοσ δὲ χρόνον μέν τινα περὶ τὴν Ιὠνίαν διέτριψεν οὐθὲν ἄξιον λόγου πράξασ· μετὰ δὲ ταῦτα παρὰ τῶν ἐκ Χίου φυγάδων λαβὼν χρήματα κατήγαγεν αὐτοὺσ καὶ τὴν ἀκρόπολιν τῶν Χίων κατελάβετο. οἱ δὲ κατελθόντεσ τῶν Χίων τοὺσ ἀντιπολιτευομένουσ αὐτοῖσ καὶ τῆσ ἐκπτώσεωσ αἰτίουσ ὄντασ εἰσ ἑξακοσίουσ τὸν ἀριθμὸν ὄντασ ἐφυγάδευσαν.

οὗτοι δὲ τῆσ ἀντιπέραν ἠπείρου χωρίον Ἀταρνέα καλούμενον κατελάβοντο, σφόδρα τῇ φύσει καθεστηκὸσ ὀχυρόν, καὶ τὸ λοιπὸν ἐκ τούτου τὰσ ἀφορμὰσ ἔχοντεσ ἐπολέμουν τοῖσ Χίον ἔχουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 63

(디오도로스 시켈로스, Library, book xiii, chapter 63)

상위

목록

SEARCH

MENU NAVIGATION