헬라어 문장 검색 - Διοδορ́Λιβραρψ́6́05́

(디오도로스 시켈로스, Library, book xiii, chapter 6)

οἱ δ’ ἐν Σικελίᾳ στρατηγοὶ μετὰ τῆσ τῶν Ἀθηναίων δυνάμεωσ παραπλεύσαντεσ εἰσ Αἴγεσταν, Ὕκκαρα μὲν Σικελικὸν πολισμάτιον ἑλόντεσ ἐκ τῶν λαφύρων συνήγαγον ἑκατὸν τάλαντα· κομισάμενοι δὲ καὶ τριάκοντα τάλαντα παρὰ τῶν Αἰγεσταίων κατέπλευσαν εἰσ Κατάνην. βουλόμενοι δὲ τὸν πρὸσ τῷ μεγάλῳ λιμένι τόπον Συρακοσίων ἀκινδύνωσ καταλαβέσθαι, πέμπουσιν ἄνδρα Καταναῖον, ἑαυτοῖσ μὲν πιστόν, τοῖσ δὲ Συρακοσίων στρατηγοῖσ πιθανόν,διακελευσάμενοι λέγειν τοῖσ ἡγεμόσι τῶν Συρακοσίων, ὅτι τινὲσ Καταναίων συστάντεσ βούλονται συχνοὺσ τῶν Ἀθηναίων αὐλιζομένουσ ἀπὸ τῶν ὅπλων ἐν τῇ πόλει νυκτὸσ ἄφνω συλλαβόντεσ τὰσ ἐν τῷ λιμένι ναῦσ ἐμπρῆσαι·

πρὸσ δὲ τὴν τούτων συντέλειαν ἀξιοῦν τοὺσ στρατηγοὺσ ἐπιφανῆναι μετὰ δυνάμεωσ, μήποτε τῆσ ἐπιβολῆσ ἀποτύχωσιν. ἐλθόντοσ δὲ τοῦ Καταναίου πρὸσ τοὺσ ἡγεμόνασ τῶν Συρακοσίων καὶ δηλώσαντοσ τὰ προειρημένα, πιστεύσαντεσ περὶ τούτων οἱ στρατηγοὶ συνετάξαντο νύκτα καθ’ ἣν ἐξάξουσι τὴν δύναμιν, καὶ τὸν ἄνθρωπον ἐξαπέστειλαν εἰσ τὴν Κατάνην.

οἱ μὲν οὖν Συρακόσιοι κατὰ τὴν τεταγμένην νύκτα ἦγον τὸ στρατόπεδον ἐπὶ τὴν Κατάνην, οἱ δὲ Ἀθηναῖοι παραπλεύσαντεσ εἰσ τὸν μέγαν λιμένα τῶν Συρακοσίων μετὰ πολλῆσ ἡσυχίασ τοῦ τε Ὀλυμπίου κύριοι κατέστησαν καὶ πάντα τὸν περικείμενον τόπον καταλαβόμενοι παρεμβολὴν ἐποιήσαντο.

οἱ δὲ στρατηγοὶ τῶν Συρακοσίων ὡσ ᾔσθοντο τὴν ἀπάτην, ταχέωσ ἀναστρέψαντεσ προσέβαλον τῇ παρεμβολῇ τῶν Ἀθηναίων.

ἐπεξελθόντων οὖν τῶν πολεμίων συνέστη μάχη, καθ’ ἣν οἱ Ἀθηναῖοι τετρακοσίουσ τῶν ἐναντίων ἀνελόντεσ φυγεῖν ἠνάγκασαν τοὺσ Συρακοσίουσ. οἱ δὲ τῶν Ἀθηναίων στρατηγοὶ θεωροῦντεσ τοὺσ πολεμίουσ ἱπποκρατοῦντασ, καὶ βουλόμενοι βέλτιον τὰ πρὸσ τὴν πολιορκίαν κατασκευάσασθαι, πάλιν ἀπέπλευσαν εἰσ τὴν Κατάνην.

πέμψαντεσ δ’ εἰσ Ἀθήνασ τινὰσ ἔγραψαν πρὸσ τὸν δῆμον ἐπιστολάσ, ἐν αἷσ ἠξίουν ἱππεῖσ ἀποστεῖλαι καὶ χρήματα· πολυχρόνιον γὰρ ἔσεσθαι τὴν πολιορκίαν ὑπελάμβανον. οἱ δ’ Ἀθηναῖοι τριακόσια τάλαντα καὶ τῶν ἱππέων τινὰσ ἐψηφίσαντο πέμπειν εἰσ τὴν Σικελίαν. τούτων δὲ πραττομένων Διαγόρασ ὁ κληθεὶσ ἄθεοσ, διαβολῆσ τυχὼν ἐπ’ ἀσεβείᾳ καὶ φοβηθεὶσ τὸν δῆμον, ἔφυγεν ἐκ τῆσ Ἀττικῆσ·

οἱ δ’ Ἀθηναῖοι τῷ ἀνελόντι Διαγόραν ἀργυρίου τάλαντον ἐπεκήρυξαν. κατὰ δὲ τὴν Ἰταλίαν Ῥωμαῖοι πρὸσ Αἴκουσ πόλεμον ἔχοντεσ Λαβικοὺσ ἐξεπολιόρκησαν.

ταῦτα μὲν οὖν ἐπράχθη κατὰ τοῦτον τὸν ἐνιαυτόν. ἐπ’ ἄρχοντοσ δ’ Ἀθήνησι Τισάνδρου Ῥωμαῖοι μὲν ἀντὶ τῶν ὑπάτων χιλιάρχουσ κατέστησαν τέτταρασ, Πόπλιον Λουκρήτιον, Γάιον Σερουίλιον, Ἀγρίππαν Μενήνιον, Σπούριον Οὐετούριον.

ἐπὶ δὲ τούτων Συρακόσιοι πρέσβεισ ἀποστείλαντεσ εἴσ τε Κόρινθον καὶ Λακεδαίμονα παρεκάλουν βοηθῆσαι καὶ μὴ περιορᾶν αὐτοὺσ περὶ τῶν ὅλων κινδυνεύοντασ. συνηγορήσαντοσ δ’ αὐτοῖσ Ἀλκιβιάδου Λακεδαιμόνιοι μὲν ψηφισάμενοι βοηθεῖν τοῖσ Συρακοσίοισ στρατηγὸν εἵλοντο Γύλιππον, Κορίνθιοι δὲ πλείονασ μὲν τριήρεισ παρεσκευάζοντο πέμπειν, τότε δὲ μετὰ Γυλίππου Πύθην μετὰ δύο τριήρων προαπέστειλαν εἰσ Σικελίαν.

ἐν δὲ τῇ Κατάνῃ Νικίασ καὶ Λάμαχοσ οἱ τῶν Ἀθηναίων στρατηγοί, παραγενομένων αὐτοῖσ ἐξ Ἀθηνῶν ἱππέων μὲν διακοσίων πεντήκοντα, ἀργυρίου δὲ ταλάντων τριακοσίων, ἀναλαβόντεσ τὴν δύναμιν ἔπλευσαν εἰσ Συρακούσασ.

καὶ προσενεχθέντεσ τῇ πόλει νυκτὸσ ἔλαθον τοὺσ Συρακοσίουσ καταλαβόμενοι τὰσ Ἐπιπολάσ. αἰσθόμενοι δ’ οἱ Συρακόσιοι κατὰ τάχοσ ἐβοήθουν, καὶ ἀποβαλόντεσ τῶν στρατιωτῶν τριακοσίουσ εἰσ τὴν πόλιν συνεδιώχθησαν. μετὰ δὲ ταῦτα παραγενομένων τοῖσ Ἀθηναίοισ ἐξ Αἰγέστησ τριακοσίων μὲν ἱππέων, παρὰ δὲ τῶν Σικελῶν ἱππέων διακοσίων πεντήκοντα, συνήγαγον ἱππεῖσ τοὺσ πάντασ ὀκτακοσίουσ.

κατασκευάσαντεσ δὲ περὶ τὸ Λάβδαλον ὀχύρωμα, τὴν πόλιν τῶν Συρακοσίων ἀπετείχιζον καὶ πολὺν φόβον τοῖσ Συρακοσίοισ ἐπέστησαν. διόπερ ἐπεξελθόντεσ ἐκ τῆσ πόλεωσ ἐπεχείρησαν διακωλύειν τοὺσ οἰκοδομοῦντασ τὸ τεῖχοσ·

γενομένησ δ’ ἱππομαχίασ συχνοὺσ ἀποβαλόντεσ ἐτράπησαν. οἱ δ’ Ἀθηναῖοι τῷ μέρει τῆσ δυνάμεωσ τὸν ὑπερκείμενον τοῦ λιμένοσ τόπον κατελάβοντο, καὶ τὴν καλουμένην Πολίχνην τειχίσαντεσ τό τε τοῦ Διὸσ ἱερὸν περιεβάλοντο καὶ ἐξ ἀμφοτέρων τῶν μερῶν τὰσ Συρακούσασ ἐπολιόρκουν. τοιούτων δὲ ἐλαττωμάτων περὶ τοὺσ Συρακοσίουσ γενομένων ἠθύμουν οἱ κατὰ τὴν πόλιν·

ὡσ δ’ ἤκουσαν Γύλιππον εἰσ Ἱμέραν καταπεπλευκέναι καὶ στρατιώτασ ἀθροίζειν, πάλιν ἐθάρρησαν. ὁ γὰρ Γύλιπποσ μετὰ τεττάρων τριήρων καταπλεύσασ εἰσ Ἱμέραν τὰσ μὲν ναῦσ ἐνεώλκησε, τοὺσ δ’ Ἱμεραίουσ πείσασ συμμαχεῖν τοῖσ Συρακοσίοισ, παρά τε τούτων καὶ Γελῴων, ἔτι δὲ Σελινουντίων καὶ Σικανῶν ἤθροιζε στρατιώτασ.

συναγαγὼν δὲ τοὺσ ἅπαντασ τρισχιλίουσ μὲν πεζούσ, διακοσίουσ δ’ ἱππεῖσ, διὰ τῆσ μεσογείου παρῆγεν εἰσ Συρακούσασ. καὶ μετ’ ὀλίγασ ἡμέρασ μετὰ τῶν Συρακοσίων ἐξήγαγε τὴν δύναμιν ἐπὶ τοὺσ Ἀθηναίουσ.

γενομένησ δὲ μάχησ ἰσχυρᾶσ Λάμαχοσ ὁ τῶν Ἀθηναίων στρατηγὸσ μαχόμενοσ ἐτελεύτησε· πολλῶν δὲ παρ’ ἀμφοτέρων ἀναιρεθέντων ἐνίκησαν Ἀθηναῖοι. μετὰ δὲ τὴν μάχην παραγενομένων τρισκαίδεκα τριήρων ἐκ Κορίνθου, τοὺσ ἐκ τῶν πληρωμάτων ἀναλαβὼν ὁ Γύλιπποσ μετὰ τῶν Συρακοσίων προσέβαλε τῇ παρεμβολῇ τῶν πολεμίων, καὶ τὰσ Ἐπιπολὰσ ἐπολιόρκει.

ἐξελθόντων δὲ τῶν Ἀθηναίων συνῆψαν μάχην οἱ Συρακόσιοι, καὶ πολλοὺσ τῶν Ἀθηναίων ἀποκτείναντεσ ἐνίκησαν, καὶ δι’ ὅλησ τῆσ Ἐπιπολῆσ τὸ τεῖχοσ κατέσκαψαν· οἱ δ’ Ἀθηναῖοι καταλιπόντεσ τὸν πρὸσ ταῖσ Ἐπιπολαῖσ τόπον πᾶσαν τὴν δύναμιν εἰσ τὴν ἄλλην παρεμβολὴν μετήγαγον. τούτων δὲ πραχθέντων οἱ Συρακόσιοι μὲν πρέσβεισ ἀπέστειλαν εἰσ Κόρινθον καὶ Λακεδαίμονα περὶ βοηθείασ·

οἷσ ἀπέστειλαν Κορίνθιοι μετὰ Βοιωτῶν μὲν καὶ Σικυωνίων χιλίουσ, Σπαρτιᾶται δ’ ἑξακοσίουσ· Γύλιπποσ δὲ περιπορευόμενοσ τὰσ κατὰ Σικελίαν πόλεισ πολλοὺσ προετρέπετο συμμαχεῖν, καὶ λαβὼν στρατιώτασ παρά τε τῶν Ἱμεραίων καὶ Σικανῶν τρισχιλίουσ ἦγε διὰ τῆσ μεσογείου.

πυθόμενοι δὲ οἱ Ἀθηναῖοι τὴν παρουσίαν αὐτῶν, ἐπιθέμενοι τοὺσ ἡμίσεισ ἀνεῖλον· οἱ δὲ περιλειφθέντεσ διεσώθησαν εἰσ Συρακούσασ. ἐλθόντων δὲ τῶν συμμάχων οἱ Συρακόσιοι βουλόμενοι καὶ τῶν κατὰ θάλατταν ἀγώνων ἀντιποιεῖσθαι, τάσ τε προϋπαρχούσασ ναῦσ καθείλκυσαν καὶ ἄλλασ προσκατασκευάσαντεσ.

ἐν τῷ μικρῷ λιμένι τὰσ ἀναπείρασ ἐποιοῦντο. Νικίασ δὲ ὁ τῶν Ἀθηναίων στρατηγὸσ ἀπέστειλεν εἰσ Ἀθήνασ ἐπιστολάσ, ἐν αἷσ ἐδήλου ὅτι πολλοὶ πάρεισι σύμμαχοι τοῖσ Συρακοσίοισ, καὶ διότι ναῦσ οὐκ ὀλίγασ πληρώσαντεσ ναυμαχεῖν διέγνωσαν·

κατὰ τάχοσ οὖν ἠξίου τριήρεισ τε πέμπειν καὶ χρήματα καὶ στρατηγοὺσ τοὺσ συνδιοικήσοντασ τὸν πόλεμον· Ἀλκιβιάδου μὲν γὰρ πεφευγότοσ, Λαμάχου δὲ τετελευτηκότοσ αὐτὸν μόνον ἀπολελεῖφθαι, καὶ ταῦτ’ ἀσθενῶσ διακείμενον. οἱ δ’ Ἀθηναῖοι μετ’ Εὐρυμέδοντοσ μὲν τοῦ στρατηγοῦ δέκα ναῦσ ἀπέστειλαν εἰσ Σικελίαν καὶ ἀργυρίου τάλαντα ἑκατὸν τεσσαράκοντα περὶ τὰσ χειμερινὰσ τροπάσ·

περὶ δὲ τὴν ἐαρινὴν ὡρ́αν παρεσκευάζοντο μέγαν στόλον ἀποστέλλειν. διόπερ στρατιώτασ τε πανταχόθεν παρὰ τῶν συμμάχων κατέγραφον καὶ χρήματα συνήθροιζον. κατὰ δὲ τὴν Πελοπόννησον οἱ Λακεδαιμόνιοι παροξυνθέντεσ ὑπὸ Ἀλκιβιάδου τὰσ σπονδὰσ ἔλυσαν τὰσ πρὸσ Ἀθηναίουσ, καὶ ὁ πόλεμοσ οὗτοσ διέμεινεν ἔτη δώδεκα.

τοῦ δὲ ἔτουσ τούτου διελθόντοσ Κλεόκριτοσ μὲν ἄρχων Ἀθηναίων ἦν, ἐν Ῥώμῃ δ’ ἀντὶ τῶν ὑπάτων χιλίαρχοι τέτταρεσ ὑπῆρχον, Αὖλοσ Σεμπρώνιοσ καὶ Μάρκοσ Παπίριοσ, Κόιντοσ Φάβιοσ, Σπόριοσ Ναύτιοσ.

ἐπὶ δὲ τούτων Λακεδαιμόνιοι μετὰ τῶν συμμάχων ἐνέβαλον εἰσ τὴν Ἀττικήν, Ἄγιδόσ ἡγουμένου καὶ Ἀλκιβιάδου τοῦ Ἀθηναίου.

καταλαβόμενοι δὲ χωρίον ὀχυρὸν Δεκέλειαν φρούριον ἐποίησαν κατὰ τῆσ Ἀττικῆσ· διὸ καὶ συνέβη τὸν πόλεμον τοῦτον Δεκελεικὸν προσαγορευθῆναι. Ἀθηναῖοι δὲ περὶ μὲν τὴν Λακωνικὴν τριάκοντα τριήρεισ ἀπέστειλαν καὶ Χαρικλέα στρατηγόν, εἰσ δὲ τὴν Σικελίαν ἐψηφίσαντο πέμπειν ὀγδοήκοντα μὲν τριήρεισ, ὁπλίτασ δὲ πεντακισχιλίουσ. οἱ δὲ Συρακόσιοι κρίναντεσ ναυμαχεῖν, καὶ πληρώσαντεσ ὀγδοήκοντα τριήρεισ, ἐπέπλεον τοῖσ πολεμίοισ.

τῶν δὲ Ἀθηναίων ἑξήκοντα ναυσὶν ἀνταναχθέντων, καὶ τῆσ ναυμαχίασ ἐνεργοῦ γενομένησ ἤδη, πάντεσ οἱ ἀπὸ τῶν φρουρίων Ἀθηναῖοι κατέβησαν ἐπὶ τὴν θάλατταν· οἱ μὲν γὰρ θεάσασθαι τὴν μάχην ἐπεθύμουν, οἱ δ’, εἴ τι πταίσειαν ἐν τῇ ναυμαχίᾳ, βοηθήσειν τοῖσ φεύγουσιν ἤλπιζον. οἱ δὲ τῶν Συρακοσίων στρατηγοὶ προϊδόμενοι τὸ γινόμενον ἀπεστάλκεισαν τοὺσ κατὰ τὴν πόλιν ἐπὶ τὰ τῶν Ἀθηναίων ὀχυρώματα, χρημάτων καὶ ναυτικῶν σκευῶν, ἔτι δὲ τῆσ ἄλλησ παρασκευῆσ ὑπάρχοντα πλήρη·

ἃ δὴ καταλαβόντεσ οἱ Συρακόσιοι παντελῶσ ὑπ’ ὀλίγων τηρούμενα κατέσχον καὶ τῶν ἀπὸ τῆσ θαλάττησ προσβοηθούντων πολλοὺσ ἀπέκτειναν. κραυγῆσ δὲ πολλῆσ γενομένησ περὶ τὰ φρούρια καὶ τὴν παρεμβολήν, οἱ ναυμαχοῦντεσ Ἀθηναῖοι καταπλαγέντεσ ἐτράπησαν καὶ πρὸσ τὸ λειπόμενον τῶν φρουρίων ἔφυγον.

τῶν δὲ Συρακοσίων ἀτάκτωσ διωκόντων οἱ Ἀθηναῖοι πρὸσ τὴν γῆν καταφεύγειν οὐ δυνάμενοι διὰ τὸ τοὺσ Συρακοσίουσ δυεῖν φρουρίων κυριεύειν, ἠναγκάσθησαν ἐξ ὑποστροφῆσ πάλιν ναυμαχῆσαι. τῶν δὲ Συρακοσίων λελυκότων τὰσ τάξεισ καὶ κατὰ τὸν διωγμὸν διερριμμένων, ἀθρόαισ ταῖσ ναυσὶν ἐπιπλεύσαντεσ ἕνδεκα μὲν κατέδυσαν, τὰσ δὲ λοιπὰσ ἑώσ τῆσ Νήσου κατεδίωξαν.

διαλυθείσησ δὲ τῆσ μάχησ ἑκάτεροι τρόπαιον ἔστησαν, οἱ μὲν Ἀθηναῖοι τῆσ ναυμαχίασ, οἱ δὲ Συρακόσιοι τῶν ἐπὶ τῆσ γῆσ κατωρθωμένων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 6

(디오도로스 시켈로스, Library, book xiii, chapter 6)

상위

목록

SEARCH

MENU NAVIGATION