Diodorus Siculus, Library, book xiii, chapter 17

(디오도로스 시켈로스, Library, book xiii, chapter 17)

ἐπὶ πολὺν δὲ χρόνον πολλῶν ἀπολλυμένων ἡ μάχη τέλοσ οὐκ ἐλάμβανεν· οὐδὲ γὰρ οἱ θλιβόμενοι πρὸσ τὴν γῆν φεύγειν ἐτόλμων. οἱ μὲν γὰρ Ἀθηναῖοι τοὺσ ἀφισταμένουσ τῆσ μάχησ καὶ τῇ γῇ προσπλέοντασ ἠρώτων, εἰ διὰ τῆσ γῆσ εἰσ Ἀθήνασ πλεῦσαι νομίζουσιν, οἱ δὲ πεζοὶ τῶν Συρακοσίων τοὺσ προσπλέοντασ ἀνέκρινον, διὰ τί βουλομένων αὐτῶν εἰσ τὰσ τριήρεισ ἐμβαίνειν κωλύσαντεσ αὐτοὺσ μάχεσθαι νῦν προδιδόασι τὴν πατρίδα, καὶ εἰ διὰ τοῦτο ἔφραξαν τὸ στόμα τοῦ λιμένοσ, ὅπωσ κωλύσαντεσ τοὺσ πολεμίουσ αὐτοὶ φεύγωσιν ἐπὶ τὸν αἰγιαλόν, καὶ τοῦ τελευτᾶν ὀφειλομένου πᾶσιν ἀνθρώποισ ποῖον ζητοῦσι καλλίω θάνατον ἢ τὸν ὑπὲρ τῆσ πατρίδοσ, ἣν ἔχοντεσ μάρτυρα τῶν ἀγώνων αἰσχρῶσ ἐγκαταλείπουσιν. τοιαῦτα δὲ τῶν ἀπὸ τῆσ γῆσ στρατιωτῶν ὀνειδιζόντων τοῖσ προσπλέουσιν, οἱ πρὸσ τοὺσ αἰγιαλοὺσ ἀποφεύγοντεσ πάλιν ἀνέστρεφον, καίπερ συντετριμμένασ ἔχοντεσ τὰσ ναῦσ καὶ ὑπὸ τῶν τραυμάτων καταβαρούμενοι.

τῶν δὲ παρὰ τὴν πόλιν κινδυνευόντων Ἀθηναίων ἐκβιασθέντων καὶ πρὸσ φυγὴν ὁρμησάντων, οἱ προσεχεῖσ ἀεὶ τῶν Ἀθηναίων ἐνέκλινον, καὶ κατ’ ὀλίγον ἅπαντεσ ἐτράπησαν.

οἱ μὲν οὖν Συρακόσιοι μετὰ πολλῆσ κραυγῆσ κατεδίωκον τὰσ ναῦσ ἐπὶ τὴν γῆν·

τῶν δὲ Ἀθηναίων ὅσοι μὴ μετέωροι διεφθάρησαν, ἐπεὶ πρὸσ τὰ βράχη προσηνέχθησαν, ἐκπηδῶντεσ ἐκ τῶν νεῶν εἰσ τὸ πεζὸν στρατόπεδον ἔφευγον. ὁ δὲ λιμὴν πλήρησ ἦν ὅπλων τε καὶ ναυαγίων, ὡσ ἂν Ἀττικῶν μὲν νεῶν ἀπολομένων ἑξήκοντα, παρὰ δὲ τῶν Συρακοσίων ὀκτὼ μὲν τελέωσ διεφθαρμένων, ἑκκαίδεκα δὲ συντετριμμένων.

οἱ δὲ Συρακόσιοι τῶν τε τριήρων ὅσασ δυνατὸν ἦν εἷλκον ἐπὶ τὴν γῆν, καὶ τοὺσ τετελευτηκότασ πολίτασ τε καὶ συμμάχουσ ἀνελόμενοι δημοσίασ ταφῆσ ἠξίωσαν.

일치하는 문장이 없습니다.

SEARCH

MENU NAVIGATION