헬라어 문장 검색 - Διοδορ́Λιβραρψ́6́04́

(디오도로스 시켈로스, Library, book xiii, chapter 3)

τῇ δ’ ὑστεραίᾳ κατέβαινον οἱ στρατηγοὶ μετὰ τῶν στρατιωτῶν εἰσ τὸν Πειραιέα, καὶ συνηκολούθει πᾶσ ὁ κατὰ τὴν πόλιν ὄχλοσ ἀναμὶξ ἀστῶν τε καὶ ξένων, ἑκάστου τοὺσ ἰδίουσ συγγενεῖσ τε καὶ φίλουσ προπέμποντοσ. αἱ μὲν οὖν τριήρεισ παρ’ ὅλον τὸν λιμένα παρώρμουν κεκοσμημέναι τοῖσ ἐπὶ ταῖσ πρῴραισ ἐπισήμασι καὶ τῇ λαμπρότητι τῶν ὅπλων·

ὁ δὲ κύκλοσ ἅπασ τοῦ λιμένοσ ἔγεμε θυμιατηρίων καὶ κρατήρων ἀργυρῶν, ἐξ ὧν ἐκπώμασι χρυσοῖσ ἔσπενδον οἱ τιμῶντεσ τὸ θεῖον καὶ προσευχόμενοι κατατυχεῖν τῆσ στρατείασ. ἀναχθέντεσ οὖν ἐκ τοῦ Πειραιέωσ περιέπλευσαν τὴν Πελοπόννησον καὶ κατηνέχθησαν εἰσ Κόρκυραν·

ἐνταῦθα γὰρ παραμένειν παρήγγελτο καὶ προσαναλαμβάνειν τοὺσ παροίκουσ τῶν συμμάχων. ἐπεὶ δ’ ἅπαντεσ ἠθροίσθησαν, διαπλεύσαντεσ τὸν Ιὄνιον πόρον πρὸσ ἄκραν Ιἀπυγίαν κατηνέχθησαν, κἀκεῖθεν ἤδη παρελέγοντο τὴν Ἰταλίαν. ὑπὸ μὲν οὖν Ταραντίνων οὐ προσεδέχθησαν, Μεταποντίνουσ δὲ καὶ Ἡρακλειώτασ παρέπλευσαν·

εἰσ δὲ Θουρίουσ κατενεχθέντεσ πάντων ἔτυχον τῶν φιλανθρώπων. ἐκεῖθεν δὲ καταπλεύσαντεσ εἰσ Κρότωνα, καὶ λαβόντεσ ἀγορὰν παρὰ τῶν Κροτωνιατῶν, τῆσ τε Λακινίασ Ἥρασ τὸ ἱερὸν παρέπλευσαν καὶ τὴν Διοσκουριάδα καλουμένην ἄκραν ὑπερέθεντο. μετὰ δὲ ταῦτα τὸ καλούμενόν τε Σκυλλήτιον καὶ Λοκροὺσ παρήλλαξαν, καὶ τοῦ Ῥηγίου καθορμισθέντεσ ἐγγὺσ ἔπειθον τοὺσ Ῥηγίνουσ συμμαχεῖν·

οἱ δὲ ἀπεκρίναντο βουλεύσεσθαι μετὰ τῶν ἄλλων Ἰταλιωτῶν. Συρακόσιοι δ’ ἀκούσαντεσ ἐπὶ τοῦ πορθμοῦ τὰσ δυνάμεισ εἶναι τῶν Ἀθηναίων, στρατηγοὺσ κατέστησαν αὐτοκράτορασ τρεῖσ, Ἑρμοκράτην, Σικανόν, Ἡρακλείδην, οἳ τοὺσ στρατιώτασ κατέγραφον καὶ πρέσβεισ ἐπὶ τὰσ κατὰ Σικελίαν πόλεισ ἀπέστελλον, δεόμενοι τῆσ κοινῆσ σωτηρίασ ἀντιλαμβάνεσθαι·

τοὺσ γὰρ Ἀθηναίουσ τῷ μὲν λόγῳ πρὸσ Συρακοσίουσ ἐνίστασθαι τὸν πόλεμον, τῇ δ’ ἀληθείᾳ καταστρέψασθαι βουλομένουσ ὅλην τὴν νῆσον. Ἀκραγαντῖνοι μὲν οὖν καὶ Νάξιοι συμμαχήσειν ἔφησαν Ἀθηναίοισ, Καμαριναῖοι δὲ καὶ Μεσσήνιοι τὴν μὲν εἰρήνην ἄξειν ὡμολόγησαν, τὰσ δ’ ὑπὲρ τῆσ συμμαχίασ ἀποκρίσεισ ἀνεβάλοντο·

Ἱμεραῖοι δὲ καὶ Σελινούντιοι, πρὸσ δὲ τούτοισ Γελῷοι καὶ Καταναῖοι, συναγωνιεῖσθαι τοῖσ Συρακοσίοισ ἐπηγγείλαντο. αἱ δὲ τῶν Σικελῶν πόλεισ τῇ μὲν εὐνοίᾳ πρὸσ Συρακοσίουσ ἔρρεπον, ὅμωσ δ’ ἐν ἡσυχίᾳ μένουσαι τὸ συμβησόμενον ἐκαραδόκουν. τῶν δ’ Αἰγεσταίων οὐχ ὁμολογούντων δώσειν πλέον τῶν τριάκοντα ταλάντων, οἱ στρατηγοὶ τῶν Ἀθηναίων ἐγκαλέσαντεσ αὐτοῖσ ἀνήχθησαν ἐκ Ῥηγίου μετὰ τῆσ δυνάμεωσ, καὶ κατέπλευσαν τῆσ Σικελίασ εἰσ Νάξον.

δεξαμένων δ’ αὐτοὺσ τῶν ἐν τῇ πόλει φιλοφρόνωσ, παρέπλευσαν ἐκεῖθεν εἰσ Κατάνην. τῶν δὲ Καταναίων εἰσ μὲν τὴν πόλιν οὐ δεχομένων τοὺσ στρατιώτασ, τοὺσ δὲ στρατηγοὺσ ἐασάντων εἰσελθεῖν καὶ παρασχομένων ἐκκλησίαν, οἱ στρατηγοὶ τῶν Ἀθηναίων περὶ συμμαχίασ διελέγοντο.

δημηγοροῦντοσ δὲ τοῦ Ἀλκιβιάδου τῶν στρατιωτῶν τινεσ διελόντεσ πυλίδα παρεισέπεσον εἰσ τὴν πόλιν·

δι’ ἣν αἰτίαν ἠναγκάσθησαν οἱ Καταναῖοι κοινωνεῖν τοῦ κατὰ τῶν Συρακοσίων πολέμου. τούτων δὲ πραττομένων οἱ κατὰ τὴν ἰδίαν ἔχθραν μισοῦντεσ τὸν Ἀλκιβιάδην ἐν Ἀθήναισ, πρόφασιν ἔχοντεσ τὴν τῶν ἀγαλμάτων περικοπήν, διέβαλον αὐτὸν ἐν ταῖσ δημηγορίαισ ὡσ συνωμοσίαν κατὰ τοῦ δήμου πεποιημένον.

συνελάβετο δ’ αὐτῶν ταῖσ διαβολαῖσ τὸ πραχθὲν παρὰ τοῖσ Ἀργείοισ· οἱ γὰρ ἰδιόξενοι συνθέμενοι καταλῦσαι τὴν ἐν Ἄργει δημοκρατίαν πάντεσ ὑπὸ τῶν πολιτῶν ἀνῃρέθησαν. πιστεύσασ οὖν ὁ δῆμοσ ταῖσ κατηγορίαισ, καὶ δεινῶσ ὑπὸ τῶν δημαγωγῶν παροξυνθείσ, ἀπέστειλε τὴν Σαλαμινίαν ναῦν εἰσ Σικελίαν, κελεύων τὴν ταχίστην ἥκειν Ἀλκιβιάδην ἐπὶ τὴν κρίσιν.

παραγενομένησ οὖν τῆσ νεὼσ εἰσ τὴν Κατάνην, Ἀλκιβιάδησ, ἀκούσασ τῶν πρέσβεων τὰ δόξαντα τῷ δήμῳ,τοὺσ συνδιαβεβλημένουσ ἀναλαβὼν εἰσ τὴν ἰδίαν τριήρη μετὰ τῆσ Σαλαμινίασ ἐξέπλευσεν. ἐπεὶ δ’ εἰσ Θουρίουσ κατέπλευσεν, εἴτε καὶ συνειδὼσ αὑτῷ τὴν ἀσέβειαν ὁ Ἀλκιβιάδησ εἴτε καὶ φοβηθεὶσ τὸ μέγεθοσ τοῦ κινδύνου, μετὰ τῶν συνδιαβεβλημένων διαδρὰσ ἐκποδὼν ἐχωρίσθη.

οἱ δ’ ἐν τῇ Σαλαμινίᾳ νηὶ παραγενόμενοι τὸ μὲν πρῶτον ἐζήτουν τοὺσ περὶ τὸν Ἀλκιβιάδην· ὡσ δ’ οὐχ εὑρ́ισκον, ἀποπλεύσαντεσ εἰσ Ἀθήνασ ἀπήγγειλαν τῷ δήμῳ τὰ πεπραγμένα. οἱ μὲν οὖν Ἀθηναῖοι παραδόντεσ δικαστηρίῳ τοῦ τε Ἀλκιβιάδου καὶ τῶν ἄλλων τῶν συμφυγόντων τὰ ὀνόματα δίκην ἐρήμην κατεδίκασαν θανάτου.

ὁ δ’ Ἀλκιβιάδησ ἐκ τῆσ Ἰταλίασ διαπλεύσασ ἐπὶ Πελοπόννησον ἔφυγεν εἰσ Σπάρτην, καὶ τοὺσ Λακεδαιμονίουσ παρώξυνεν ἐπιθέσθαι τοῖσ Ἀθηναίοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 3

(디오도로스 시켈로스, Library, book xiii, chapter 3)

상위

목록

SEARCH

MENU NAVIGATION