Diodorus Siculus, Library, book xiii, chapter 104

(디오도로스 시켈로스, Library, book xiii, chapter 104)

τοῦ δ’ ἔτουσ τούτου διελθόντοσ Ἀθήνησι μὲν ἦρχεν Ἀλεξίασ, ἐν δὲ τῇ Ῥώμῃ ἀντὶ τῶν ὑπάτων τρεῖσ χιλίαρχοι κατεστάθησαν, Γάιοσ Ιοὔλιοσ, Πούπλιοσ Κορνήλιοσ, Γάιοσ Σερουίλιοσ. τούτων δὲ τὴν ἀρχὴν παραλαβόντων Ἀθηναῖοι μετὰ τὴν ἀναίρεσιν τῶν στρατηγῶν ἐπὶ τὴν ἡγεμονίαν ἔταξαν Φιλοκλέα, καὶ τὸ ναυτικὸν αὐτῷ παραδόντεσ ἐξέπεμψαν πρὸσ Κόνωνα, προστάξαντεσ κοινῶσ ἀφηγεῖσθαι τῶν δυνάμεων. ὃσ ἐπεὶ κατέπλευσε πρὸσ Κόνωνα εἰσ Σάμον, τὰσ ναῦσ ἁπάσασ ἐπλήρωσεν, οὔσασ τρεῖσ πρὸσ ταῖσ ἑκατὸν ἑβδομήκοντα.

τούτων εἴκοσι μὲν ἔδοξεν αὐτοῦ καταλιπεῖν, ταῖσ δ’ ἄλλαισ ἁπάσαισ ἀνήχθησαν εἰσ Ἑλλήσποντον, ἡγουμένου Κόνωνοσ καὶ Φιλοκλέουσ. Λύσανδροσ δ’ ὁ τῶν Λακεδαιμονίων ναύαρχοσ ἐκ Πελοποννήσου παρὰ τῶν ἐγγὺσ συμμάχων τριάκοντα πέντε ναῦσ ἀθροίσασ κατέπλευσεν εἰσ Ἔφεσον.

μεταπεμψάμενοσ δὲ καὶ τὸν ἐκ Χίου στόλον ἐξήρτυεν· ἀνέβη δὲ καὶ πρὸσ Κῦρον τὸν Δαρείου τοῦ βασιλέωσ υἱόν, καὶ χρήματα πολλὰ παρέλαβε πρὸσ τὰσ τῶν στρατιωτῶν διατροφάσ. ὁ δὲ Κῦροσ, μεταπεμπομένου τοῦ πατρὸσ αὐτὸν εἰσ Πέρσασ, τῷ Λυσάνδρῳ τῶν ὑφ’ αὑτὸν πόλεων τὴν ἐπιστασίαν παρέδωκε καὶ τοὺσ φόρουσ τούτῳ τελεῖν συνέταξεν.

ὁ δὲ Λύσανδροσ πάντων τῶν εἰσ πόλεμον εὐπορήσασ εἰσ Ἔφεσον ἀνέστρεψεν. καθ’ ὃν δὴ χρόνον ἐν τῇ Μιλήτῳ τινὲσ ὀλιγαρχίασ ὀρεγόμενοι κατέλυσαν τὸν δῆμον, συμπραξάντων αὐτοῖσ Λακεδαιμονίων.

καὶ τὸ μὲν πρῶτον Διονυσίων ὄντων ἐν ταῖσ οἰκίαισ τοὺσ μάλιστα ἀντιπράττοντασ συνήρπασαν καὶ περὶ τεσσαράκοντα ὄντασ ἀπέσφαξαν, μετὰ δέ, τῆσ ἀγορᾶσ πληθούσησ,τριακοσίουσ ἐπιλέξαντεσ τοὺσ εὐπορωτάτουσ ἀνεῖλον. οἱ δὲ χαριέστατοι τῶν τὰ τοῦ δήμου φρονούντων, ὄντεσ οὐκ ἐλάττουσ χιλίων, φοβηθέντεσ τὴν περίστασιν ἔφυγον πρὸσ Φαρνάβαζον τὸν σατράπην·

οὗτοσ δὲ φιλοφρόνωσ αὐτοὺσ δεξάμενοσ, καὶ στατῆρα χρυσοῦν ἑκάστῳ δωρησάμενοσ, κατῴκισεν εἰσ Βλαῦδα, φρούριόν τι τῆσ Λυδίασ. Λύσανδροσ δὲ μετὰ τῶν πλείστων νεῶν ἐπὶ Ιἄσον τῆσ Καρίασ πλεύσασ, κατὰ κράτοσ αὐτὴν εἷλεν Ἀθηναίοισ συμμαχοῦσαν, καὶ τοὺσ μὲν ἡβῶντασ ὀκτακοσίουσ ὄντασ ἀπέσφαξε, παῖδασ δὲ καὶ γυναῖκασ λαφυροπωλήσασ κατέσκαψε τὴν πόλιν.

μετὰ δὲ ταῦτ’ ἐπὶ τὴν Ἀττικὴν καὶ πολλοὺσ τόπουσ πλεύσασ μέγα μὲν οὐδὲν οὐδ’ ἄξιον μνήμησ ἔπραξε·

διὸ καὶ ταῦτα μὲν οὐκ ἀναγράφειν ἐσπουδάσαμεν· τὸ δὲ τελευταῖον Λάμψακον ἑλὼν τὴν μὲν Ἀθηναίων φρουρὰν ἀφῆκεν ὑπόσπονδον, τὰσ δὲ κτήσεισ ἁρπάσασ τοῖσ Λαμψακηνοῖσ ἀπέδωκε τὴν πόλιν.

일치하는 문장이 없습니다.

SEARCH

MENU NAVIGATION