헬라어 문장 검색 - Διοδορ́Λιβραρψ́6́11́

(디오도로스 시켈로스, Library, book xiii, chapter 21)

ὁ μὲν οὖν δῆμοσ τῶν Ἀθηναίων τῆσ ἰδίασ ἀνοίασ ἀξίαν κεκόμισται τιμωρίαν, πρῶτον μὲν παρὰ θεῶν, μετὰ δὲ ταῦτα παρ’ ἡμῶν τῶν ἀδικηθέντων. ἀγαθὸν γάρ ἐστι τὸ θεῖον τοὺσ ἀδίκου πολέμου καταρχομένουσ καὶ τὴν αὑτῶν ὑπεροχὴν οὐκ ἐνεγκόντασ ἀνθρωπίνωσ ἀνελπίστοισ περιβαλεῖν συμφοραῖσ.

τίσ γὰρ ἂν ἤλπισεν Ἀθηναίουσ, μύρια μὲν εἰληφότασ ἐκ Δήλου τάλαντα, τριήρεισ δὲ διακοσίασ εἰσ Σικελίαν ἀπεσταλκότασ καὶ τοὺσ ἀγωνισομένουσ ἄνδρασ πλείουσ τῶν τετρακισμυρίων, οὕτωσ μεγάλαισ συμφοραῖσ περιπεσεῖσθαι;

ἀπὸ γὰρ τῆσ τηλικαύτησ παρασκευῆσ οὔτε ναῦσ οὔτ’ ἀνὴρ οὐθεὶσ ἐπανῆλθεν, ὥστε μηδὲ τὸν ἀγγελοῦντα αὐτοῖσ τὴν συμφορὰν περιλειφθῆναι. εἰδότεσ οὖν, ἄνδρεσ Συρακόσιοι, τοὺσ ὑπερηφανοῦντασ παρὰ θεοῖσ καὶ παρ’ ἀνθρώποισ μισουμένουσ, προσκυνοῦντεσ τὴν τύχην μηθὲν ὑπὲρ ἄνθρωπον πράξητε.

τί γὰρ σεμνὸν φονεῦσαι τὸν ὑποπεπτωκότα; τί δ’ ἔνδοξον τιμωρίᾳ περιβαλεῖν; ὁ γὰρ ἀμετάθετον ἔχων τὴν περὶ τῶν ἀτυχημάτων ὠμότητα συναδικεῖ τὴν κοινὴν ἀνθρώπων ἀσθένειαν. οὐθεὶσ γάρ ἐστιν οὕτω φρόνιμοσ, ὥστε μεῖζον ἰσχῦσαι τῆσ τύχησ, ἣ φύσει ταῖσ ἀνθρωπίναισ ἡδομένη συμφοραῖσ ὀξείασ τῆσ εὐδαιμονίασ ποιεῖ τὰσ μεταβολάσ.

ἐροῦσί τινεσ ἴσωσ, ἠδίκησαν, καὶ τῆσ κατ’ αὐτῶν τιμωρίασ ἔχομεν τὴν ἐξουσίαν. οὐκοῦν παρὰ μὲν τοῦ δήμου πολλαπλασίαν εἰλήφατε τιμωρίαν, παρὰ δὲ τῶν αἰχμαλώτων ἱκανὴν ἔχετε κόλασιν;

παρέδωκαν γὰρ ἑαυτοὺσ μετὰ τῶν ὅπλων πιστεύσαντεσ τῇ τῶν κρατούντων εὐγνωμοσύνῃ· διόπερ οὐκ ἄξιον αὐτοὺσ τῆσ ἡμετέρασ ψευσθῆναι φιλανθρωπίασ. οἱ μὲν οὖν ἀμετάθετον τὴν ἔχθραν φυλάττοντεσ μαχόμενοι τετελευτήκασιν, οἱ δ’ ἑαυτοὺσ ἡμῖν ἐγχειρίσαντεσ ἀντὶ πολεμίων γεγόνασιν ἱκέται.

οἱ γὰρ ἐν ταῖσ μάχαισ τοῖσ ἐναντίοισ τὰ σώματα ἐγχειρίζοντεσ, ἐπ’ ἐλπίδι σωτηρίασ τοῦτο πράττουσιν· εἰ δὲ πιστεύσαντεσ τιμωρίασ τεύξονται τηλικαύτησ, οἱ μὲν παθόντεσ ἀναδέξονται τὴν συμφοράν, οἱ δὲ πράξαντεσ ἀγνώμονεσ ἂν κληθεῖεν. δεῖ δὲ τοὺσ τῆσ ἡγεμονίασ ἀντιποιουμένουσ, ὦ ἄνδρεσ Συρακόσιοι, μὴ οὕτωσ τοῖσ ὅπλοισ ἑαυτοὺσ ἰσχυροὺσ κατασκευάζειν, ὡσ τοῖσ τρόποισ ἐπιεικεῖσ παρέχεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiii, chapter 21

(디오도로스 시켈로스, Library, book xiii, chapter 21)

상위

목록

SEARCH

MENU NAVIGATION